PPR quvurlar ishlab chiqarish liniyasi — Rasm 1 / 12

1 / 12

Tayyor liniyalarTovar kodi: 60e2bb9b0bd70c469606839f

PPR quvurlar ishlab chiqarish liniyasi

Har bir insonning hayotidagi asosiy orzusi va maqsadi bu, albatta, o`zining shaxsiy uyini qurish bo`lsa kerak.

Individual taklif

Motor quvvati: 1,5KW
Yetkazuvchi shlangining o’lchami: F32mm
Isitish quvvati· Eritish bunkeri: 5,4KW
Qizitish quvvati· Ekstruder TK 65/33: 2,8kw*5
Sovutish quvvati· Ekstruder TK 65/33: 0,17kw*5
Motor turi va quvvati· Ekstruder TK 65/33: AC37KW

Yetkazib berishShartnoma asosida
O‘rnatishMutaxassislar tomonidan
KafolatIshlab chiqaruvchi kafolati
Texnik yordamShartnoma asosida

Uskuna haqida

Har bir insonning hayotidagi asosiy orzusi va maqsadi bu, albatta, o`zining shaxsiy uyini qurish bo`lsa kerak. Hashamatli va shinam, zamonaviy va chidamli uy qurish uchun ko`plab qurilish uskunalari va xom-ashyolar kerak bo`ladi. Hozirgi kunda har bir uyning qurilishini plastik trubalarsiz (PPR trubalar) tasavvur qilib bo`lmaydi. Navbatdagi ishlab chiqarish liniyamiz ham, aynan, PPR trubalar haqida bo`ladi. Dastavval, ushbu turdagi trubalarning yutuqlari haqida aytib o`tsak.

Foydali xususiyatlari

Past issiqlik o'tkazuvchanligi. PPR moddasining issiqlik o'tkazuvchanligi juda past, ya'ni tashqi muhitdagi issiq yoki sovuq haroratni quvurdagi suyuqlikka osonlikcha o'tkazmaydi va aksincha. Ushbu omil issiq yoki sovuq suyuqlik o'tkazilganda issiqlik yo'qotilishini kamaytiradi, natijada energiya tejaladi va PPR quvurlari uchun izolyatsiya xarajatlari kamayadi.
Uzoq xizmat muddati va chidamliligi. PPR quvurlar turli xil ish muhitlari va temperaturalariga qaramay sizga 50 yildan ortiq xizmat ko`rsata oladilar. PPR quvurlar issiq va sovuq suvda ham yuqori samaradorlikni va chidamlilikni ko`rsatadi. Shu bilan birga, PPR quvurlari boshqa oddiy plastik quvur turlaridan farqli o`laroq, sovuq ob-havoda o`rnatilayotgan vaqt mobaynida hech qanday sinish yoki yoriqlar paydo bo`lmaydi.
Samarali ichki sirt. An'anaviy quvur turlari bilan taqqoslaganda PPR trubasining ichki yuzasi juda silliq va ishqalanish koeffitsienti juda past. Bu suyuqlikni tashish va tarqatish paytida bosim yo'qotishlarini kamaytirishga olib keladi va PPR quvur tizimlarining energiya samaradorligini oshirishga yordam beradi. Bundan tashqari, metall quvurlardan farqli o'laroq, PPR parchalanmaydi yoki ishqalalanmaydi, bu ularni ishlatishda xavfsizroq qiladi.
Kimyoviy va mexanik chidamlilik. An`anaviy plastik quvurkarga nisbatan PPR trubalar qattiq va abraziv moddalarga chidamli. Bu, ayniqsa, o`tkaziladigan suyuqliklarda abraziv zarralar bo`lgan quduq suvi yoki sanoat maqsadlarida qo`llanilganda qo`l keladi.
Ekologik va ekonomik samaradorlik. PPR trubasining og`irligi pastligi tufayli ularni tashish, qayta ishlash va o`rnatish katta miqdorda energiya sarfini yoki qo`l mehnatini talab qilmaydi. Shu bilan birga ularni kesish, qo`shilish va ular bilan ishlash juda oson. Bundan tashqari, PPR trubalarni bir-biriga ulash faqat issiqlik orqali amalga oshiriladi va qo`shimcha kimyoviy moddalar va materiallarni talab qilmaydi. Ushbu omillarning barchasi atrof-muhitga ta`siri va foydalanish narxining past bo`lishiga olib keladi.
Foydalanish jihatlari. PPRning chidamliligi, iqtisodiy va ekologik afzalliklari uning so'nggi yillarda turli xil maqsadlarda ishlatilishiga olib keldi.

Keling, endi quvurlarimizni ishlab chiqaruvchi liniyamiz haqidagi umumiy ma`lumotlar bilan tanishib chiqsak.

Umumiy ma`lumotlar

Xom-ashyolar: PPR kimyoviy moddasi, oddiy va rangli pigmentlar
Ishlab chiqarish quvvati: 50-150kg/soat(truba o`lchamlariga va ish sharoitlariga bog`liq)
Plastik quvurlar o`lchami: 20-63mm
Plastik quvur turi: 3 qavatli
Liniya o`lchamlari: 35m*5m*3m(uzunligi*kengligi*balandligi)
Harorat: ≤40°C
Kuchlanish: 380V, 50Hz
Quvvati: 76kw
Xonada uskunalarga suv yetkazib berish qulayligi bo`lishi kerak, elektr toki stabil kelishi kerak.
Ishchilar soni: 1 yoki 2ta
Suvni sovutish: 20°C, ≥0.3Mpa, ~2~3 m3/soat
Siqilgan havo: 0.3m3/min, 0.3Mpa-0.8Mpa

Ana endi ishlab chiqarish jarayonlariga va shu jarayonlarni amalga oshirish uchun kerak bo`ladigan uskunalarga ham o`tsak bo`ladi. Demak, eng birinchi bo`lib bizga xom-ashyolarni uskunalarga yetkazib beruvchi qurilma kerak bo`ladi. Yuqoridagi uskuna aynan mana shu vazifani bajaradi. U idishga solingan moddalarni avtomatik ravishda tortib olib quritib beruvchi bunkerga yetkazib beradi. Ishlab chiqarish liniyamizda ekstruderlar soni 2ta bo`lgani uchun ham yetkazib beruvchi uskunalar soni ham 2ta bo`ladi.

Yetkazib beruvchi uskuna

6 parametr

Sig’imi: 300 kg
Ishlash turi: Vakuum
Motor quvvati: 1,5KW
Maks vacuum bosimi: 12000Pa
Yetkazuvchi shlangining o’lchami: F32mm
Boshqaruv: Yetkazib berish vaqtini sozlash mumkin

PPR quvurlar ishlab chiqarish liniyasi Navbat eritish bunkeriga keldi. Xom-ashyolar yetkazib beruvchi uskuna yordamida ushbu uskunaga joylashtirildi. Bu uskunaning vazifasi ekstruderga xom-ashyolarni quritib, eritib berishdan iborat. 2ta ekstruder uchun 2ta erituvchi bunker ishlatiladi. Bunkerlardan birinchisining sig`imi 100kg, ikkinchisiniki esa 50kg bo`ladi.

Eritish bunkeri

6 parametr

Yuklash sig’imi: 50kg
Maks ishlash temperaturasi: 130C
Aniqligi: ±5C
Isitish quvvati: 5,4KW
Motor quvvati: 0,25KW
Material: Zanglamas metall

Ekstruder TK 65/33

8 parametr

Shnek diametric: F465mm
Shnek materiali: 38CrMoAIA
Qizitish zonalari soni: 5 ta
Elektr qizitgich materiali: Quyma aluminiy+zanglamas metal
Qizitish quvvati: 2,8kw*5
Sovutish quvvati: 0,17kw*5
Motor turi va quvvati: AC37KW
Brend: Siemens,ABB,Delixi,Schneider,Omron

Ekstruder TK 45/30

8 parametr

Shnek diametric: F45mm
Shnek materiali: 38CrMoAIA
Qizitish zonalari soni: 3 ta
Elektr qizitgich materiali: Quyma aluminiy+zanglamas metal
Qizitish quvvati: 2,3kw*3
Sovutish quvvati: 0,17kw*3
Motor turi va quvvati: AC18,5KW
Brend: Siemens,ABB,Delixi,Schneider,Omron

Qoliplar

Shu o`rinda qoliplarni ham unutmaslik kerak. Turli xil o`lchamdagi qoliplar ekstruderlarning ich qismiga joylashtiriladi. Bunda qolip diametrlari xaridor talabiga binoan amalga oshiriladi. Qoliplarning o`lchamlari: 20, 25, 32, 40, 50, 63mm. Qoliplar uchun #40 markali xrom moddasi qo`llanilgan. PPR quvurlarimizga dizayn berishni ham unutmasligimiz kerak. Ularga chiroy berish uchun navbatdagi uskunamiz kerak bo`ladi. Bu uskuna quvurlarimiz ustiga rangli chiziq quyib beradi.

Ekstruder Tk 25/25

8 parametr

Shnek diametric: 25mm
Shnek materiali: 38CrMoAIA
Qizitish zonalari soni: 2 ta
Elektr qizitgich materiali: Quyma aluminiy+zanglamas metal
Qizitish quvvati: 0,85kw*2
Sovutish quvvati: 0,06kw*2
Motor turi va quvvati: AC 1,1 KW
Brend: Siemens

Vakuum kalibrlash uskunasining vazifasi plastik quvurlarning shaklini saqlab qolishdan iborat. Ekstruderdan chiqqan quvurlar issiq holda bo`ladi. Issiq holda ularning shakli o`zgarib ketishi juda ham oson bo`ladi. Bu uskuna vakuumlash yordamida bu muammoga yechim bo`ladi.

Vakuum kalibrlash uskunasi

5 parametr

Uzunligi: 6m
Vakuum nasos quvvati: 4kw*2
Vakuum bosimi: 0,03-0,06Mpa
Suv nasosi quvvati: 4kw*2
Material: Zanglamas metal,silikon

Suv sovutgichi

Mahsulotimizning sifatini va mustahkamligini yanada oshirish uchun ularni suv bilan ham sovutib olamiz. Sovutish uchun bizga yuqoridagi 4 metrlik zanglamas metalldan yasalgan uskuna kerak bo`ladi. Ularning ichiga xona haroratidagi suvni solish maqsadga muvofiq. Quvurlarning ust qismiga turli xil ma`lumotlar yozish ham so`nggi paytda odatiy holatga aylandi. Bu uchun bizga yuqoridagi kichkina uskuna yetarli bo`ladi.

Lazerli markalash uskunasi

5 parametr

Ishlash aniqliligi: 0.01mm
Og’irligi: 70kg
Markalash maydoni: 110mm*110mm
Boshqaruv: PLC boshqaruv
Quvvati: 30W

Ushbu uskunamiz trubalarga shakl berish uchun ishlatiladi. Quvurlar ikkita belbog`lar(remen) orasidan o`tadi va bosim beriladi. Bu bosim yodamida quvurlarga forma beriladi va keyingi bosqichga o`tkaziladi.

To’g’irlovchi uskuna

5 parametr

Ishlash uzunligi: 1800mm
Bosim: 20000N
Tezligi: 1-10m/min
Motor quvvati: 2,2 KW
Motor brendi: ABB inverter

Ushbu uskunamiz xaridor talab qilgan uzunlikka binoan plastik quvurlarini kesib beradi. Uskunaning ajralib turadigan xususiyati shundaki plastik quvurni kesganda o`zidan hech qanday chang yoki qirindi chiqarmaydi. Odatiy uskunalarda plastik quvurlar kesilganda, o`sha quvurlarning qirindilari hosil bo`ladi va natijada mahsulot sifatiga ziyon yetadi. Bu uskunadan esa hech qanday ortiqcha qismlar chiqmaydi. Uskuna pichog`i quvur atrofida aylanib, quvurni kesadi.

Kesuvchi uskuna

4 parametr

Motor quvvati: 1,1KW
Pichoq diametric: 70mm
Boshqarish: PLC boshqaruv tizimi
Qismlar brendi: Schneider va Delixi

Taxlovchi uskuna

Kesuvchi uskunadan chiqqan PPR quvurlarni yig`ib-taxlab beruvchi uskunaga yo`l oladi. Bu uskuna 6 metr bo`lib, zanglamas metalldan yasalgan.

Shu bilan sizga taqdim etmoqchi bo`lgan ma`lumotlarimiz o`z nihoyasiga yetdi. Ana endi, uskuna narxlari bilan tanishib chiqsak ham bo`ladi.

AFEX · KONSULTATSIYA

Operatorlar onlayn

Tezkor narx so‘rovi

Ismingiz va telefon raqamingizni qoldiring — qolganini mutaxassisimiz hal qiladi.

UskunaPPR quvurlar ishlab chiqarish liniyasi

Ma’lumotlaringiz uchinchi shaxslarga berilmaydi