Asfalt ishlab chiqarish zavodi — Rasm 1 / 12

1 / 12

Tayyor liniyalarTovar kodi: 6189199e23e41005522ff8c0

Asfalt ishlab chiqarish zavodi

Qurilishlar va inshootlar har bir davlatning kuch-qudratining ramzidir.

Individual taklif

Motor quvvati: 4*1,5kw
Vibratsion motor quvvati: 2*0,25kw
Quvvati· TK-35: 4kw
Yuklash balandligi: 3m
Kengligi: 3.2m
Remen kengligi: 500 mm

Yetkazib berishShartnoma asosida
O‘rnatishMutaxassislar tomonidan
KafolatIshlab chiqaruvchi kafolati
Texnik yordamShartnoma asosida

Uskuna haqida

Qurilishlar va inshootlar har bir davlatning kuch-qudratining ramzidir. Binolar va yo`llarning mukammalligi va sifatliligi yurt obro`siga katta hissa qo`shadi. Yurtimizda so`nggi yillarda ushbu sohada ham sekin-asta ijobiy o`zgarishlar sodir bo`lmoqda. Yurtimizdagi eng asosiy muammolardan biri bu aksar yo`llarning sifat standartlariga javob bermasligidir. Bunga turli xil omillarni sabab qilib ko`rsatish mumkin. Bizning kompaniyamiz esa siz aziz mijozlarga asosiy qurilish mahsulotlaridan biri bo`lgan-asfalt ishlab chiqarish uchun mini zavodni taklif qiladi. Ushbu zavod orqali sifatli va hamyonbop mahsulot ishlab chiqara olasiz degan umiddamiz.

Afzallik tomonlari

Xavfsiz - asfalt qoplamalari yuqori tezlikka chidamlilikni ta'minlaydi, asfalt qoplamasi va yo'l belgilari orasidagi rangning yuqori kontrastini ta'minlaydi va har qanday ob-havo sharoitida haydovchilarga yo'lni yaxshi ko'rinish imkonini beradi. Asfalt yo`llar muz va qorni boshqa yo'laklarga nisbatan tezroq eritadi.
Yumshoq - asfalt qoplamalari boshqa yo'laklarga nisbatan tekisroq sirtni ta'minlaydi. Asfalt yumshoqroq bo`lgani tufayli shinalarning yedirilishini kamaytiradi, bu yoqilg'i tejamkorligini va karbonat angidrid chiqindilarining kamayishini anglatadi.
Shovqinsiz - asfalt yo'llar avtomobil yo'llaridagi shovqinni yetti detsibelgacha kamaytirishi mumkin. Ma`lumot o`rnida shuni eslatib o`tish lozimki, shovqinni atigi uch detsibelga kamaytirish shovqin manbasi va tinglovchi orasidagi masofani ikki baravar oshirishga tengdir.
Ekologik toza - asfalt 100% qayta ishlanadigan mahsulotdir. Asfalt ishlab chiqarish va qurish uchun boshqa yo'lak materiallariga qaraganda 20% kam energiya talab qiladi. Iste'moldan keyin ishlatilgan shinalar va boshqa neft mahsulotlari yangi asfalt qoplamasida qayta ishlatilishi mumkin, bu esa tabiiy resurslarni tejashga imkon beradi.
Chidamli - asfalt qoplamalari uzoq muddatga chidamli. Barcha asfalt qoplamalari birikish va moslashuvchan xususiyatga ega. Bu esa ularning foydalanish sohalari va imkoniyatlarini oshiradi.

Zavodning asosiy qismlari

Quyida siz zavodning eng asosiy ishlab chiqarish qismlarini ko`rishingiz mumkin:

Xom-ashyolarni yetkazib berish tizimi
Xom-ashyolarni quritish-qizitish tizimi
Xom-ashyolarni aralashtirish tizimi
Pnevmatik bosim berish tizimi
Markaziy boshqaruv tizimi
Changdan tozalash tizimi(nam chang)
Mineral kukunlarni saqlash va yetkazib berish tizimi
Asfaltni qizitib berish tizimi(energiyatejamkor)

Umumiy ma`lumotlar

Keling endi ushbu mini zavodimiz haqida yanada batafsilroq ma`lumotlar bilan tanishib chiqsak. Quyida zavodning umumit texnik ko`rsatkichlari bilan tanishib chiqsangiz bo`ladi:

Ishlab chiqarish hajmi: 60tonna/soat
Issiq asfalt temperaturasi: 130°C-165°C
Ishlash shovqini: ≤70 db(A)
Jarayon boshqaruvi: Qo`lda va to`liq avtomatik
Kuchlanish: 380V, 50Hz
Quvvati: 135.84kw
Zavod o`lchamlari: 36*18*13 m
Kerakli maydon: 650 metr kvadrat
Xom-ashyolar: karbon, nitrogen, sulfat, vodorod, nikel, metall va boshqa neft qoldiqlari, ko`mir, suv, mineral toshlar.
Asfalt turlari: issiq va sovuq

Shu o`rinda bir ma`lumotni aytib o`tish kerak. Ushbu liniya yordamida ikki xil turdagi asfaltni ishlab chiqarish mumkin. Shu sababli, asfaltning kimyoviy tarkibida o`zgarishlar bo`ladi. Asfaltning xususiyatlari va kerakli zichlikka qarab zavodni sozlash mumkin. Ana endi bizga kerakli uskunalar va jarayonlarga o`tsak ham bo`ladi. Ishlab chiqarish bosqichlaridan eng birinchisi bu, avvalo, kerakli xom-ashyolarni saqlab turish va keyingi uskunalarga yetkazib berish kerak. Demak, buning uchun bizga xom-ashyo saqlash tankeri kerak bo`ladi. Ushbu zavod tarkibida bunday tankerlar soni 4ta. Bu degani 4 xil xom-ashyoni saqlash mumkin degani. Xaridor talabiga binoan qo`shimcha haq evaziga tankerlar qo`shib beriladi.

Saqlash tankerlari

6 parametr

Sig’imi: 4*6,5 m3
Yuklash balandligi: 3m
Kengligi: 3.2m
Motor quvvati: 4*1,5kw
Remen kengligi: 500 mm
Vibratsion motor quvvati: 2*0,25kw

Keyingi navbatda bizga ikki turdagi(TK-35 VA TK-45) konveyrlar kerak bo`ladi. Ularning vazifalari tankerlardagi xom-ashyolarni yig`ib, keyingi uskunalarga yetkazib berishdan iborat.

TK-35

6 parametr

Remen kengligi: 500mm
Sig’imi: 80tonna/soat
Quvvati: 4kw
Remen kengligi: 500mm
Sig’imi: 80 tonna/soat
Quvvati: 5,5kw

Xom-ashyo tarkibida turli xil chiqindilar va ortiqcha mayda toshlar bo`lishi mumkin. Shuning uchun ikkita konveyr o`rtasiga skrin(elab beruvchi uskuna)ni joylashtiramiz.

Navbat endi xom-ashyolarni qizitishga keldi. Yuqori haroratda ularni yondirish-qizitish yuqori sifatga olib keladi. Eng birinchi navbatda ularni qizdirish uchun uchta qismga bo`lingan silindr baraban kerak bo`ladi. Silindr baraban ichidagi harorat 400-500 gradus atrofida bo`ladi.

Silindr barabar

4 parametr

Diametri: F1,2m
Uzunligi: 5,2m
Motor quvvati: 11kw
Sig’imi: 80 tonna/soat

Bizga ko`mirni yoqib beradigan uskuna ham kerak bo`ladi. Ushbu zavodimiz so`nggi vaziyatlarni inobatga olgan holda ko`mirda ishlashga moslashtirilgan. Shu uskuna tarkibida ko`mirni maydalab beruvchi drobilka ham bor. 1 tonna mahsulot ishlab chiqarish uchun o`rtacha 13-15kg ko`mir kerak bo`ladi. Uskuna umumiy hisobda 45kw elektr toki sarflaydi.

Ko`tarib beruvchi uskunalar

Ushbu zavodimiz o`z ichiga ikkita elevator(ko`tarib beruvchi uskuna)ni oladi. Birinchisi aralashma holatiga kelgan agregatni ko`tarib berish uchun. Ikkinchisi esa agregatlardan qolgan kukun holatidagi xom-ashyolarni ko`tarib beradi. Buni post so`ngidagi videodan batafsil tushunib olish mumkin.

Skrining tizimi

Demak, tayyor mahsulot bo`lgan agregatlarni yuqoriga ko`tarib oldik. Navbatdagi bosqichda 4 qavatli vibrator uskunadan foydalanamiz. Bu uskuna silkinish va turli xil o`lchamdagi elaklari yordamida agregatlarni bir-biridan ajratadi. Uskuna motoring quvvati 7,5kw.

O`lchash tizimi

Bundan oldingi bosqichlarda vibrator skrin yordamida agregatlarni ajratib oldik. Ushbu bosqichda esa ularni bir-biridan ajratib olib o`lchab olamiz. Buning uchun bizga 3 ta o`lchash idishlari kerak bo`ladi: issiq agregat uchun, kukun holatidagi xom-ashyo uchun va asfaltni o`lchash uchun. Ularning har birida 3tadan sensor joylashtirilgan bo`lib, mos ravishda 700kg, 80kg va 50kg sig`imlarga ega.

Ishlab chiqarish jarayonimizning eng asosiy qismiga ham yetib keldik-mahsulotlarni aralashtirish. Yarim-tayyor xom-ashyolarni maromida aralashtirish yakuniy mahsulotimiz bo`lgan asfaltning sifatiga katta ta`sir ko`rsatadi. Buning uchun bizga quyidagi uskuna kerak bo`ladi

Aralashtirgich

4 parametr

Aralashtirish sig’imi: 700kg
Aralashtirish davomiyligi: <48s
Motor quvvati: 30kw
Bo’lmalar soni: 4 ta

Changdan tozalash tizimi

Ushbu tizimga quyida joylashgan rasmlardagi uskunalar kerak bo`ladi.

Qizil ramka ichidagi qism siklon changini tozalash uskunasi. Yashil qism esa suvli filtr tozalash uskunasi.

Tashish va saqlash tizimi

Ishlab chiqarish jarayonida xom-ashyolar kukun holatiga ham keltiriladi. сhunki kukun holatidagi asfalt ham yo`llarni ta`mirlaganda issiq asfaltga qo`shiladi. Buning uchun bizga ikkita silo va konveyr kerak bo`ladi. Qanday kukun ekanligini so`nggi qismda joylashgan video orqali bilib olishingiz mumkin.

Tayyor bo`lgan asfaltni tashish va saqlashga ham tanker, bunker va nasoslar kerak bo`ladi.

Pnevmatik bosim berish tizimi

Buning uchun bizga bitta havo kompressori va uning boshqa ehtiyot qismlari kerak bo`ladi. Havo kompressorining sig`imi 3metrkub/min turi yetadi. Quvvati 7,5kw.

Liniyamiz o`z ichiga to`liq avtomatlashtirilgan elektron boshqaruv tizimini oladi. Unga quyidagilar kiradi:

Avtomatlashtirilgan electron boshqaruv tizimi

7 parametr

Kabinetlar soni: 2 ta
Voltajmetr: 1 ta
Ampermetr: 1 ta
Boshqaruv ekrani: PLC boshqaruv tizimi
Ehtiyot qismlari: Schneider,Omnor,Chint
Printer: 1 ta
O’lchamlari: 6*2,2*2,5 m

Quyida joylashtirgan videomiz orqali asfalt zavodning ishlab chiqarish jarayonlarini animatsion ko`rinishda taqdim etamiz.

AFEX · KONSULTATSIYA

Operatorlar onlayn

Tezkor narx so‘rovi

Ismingiz va telefon raqamingizni qoldiring — qolganini mutaxassisimiz hal qiladi.

UskunaAsfalt ishlab chiqarish zavodi

Ma’lumotlaringiz uchinchi shaxslarga berilmaydi