To'quv (Jemfer, palto, bolalar kiyimlari va boshqalar) ishlab chiqarish liniyasi AF-L023

Siz o'z hududingizda quyidagilarni o'rganishingzi lozim:

• Hududda qaysi yoshdagi aholiga kiyimlarga yuqori talab mavjud;
• Qaysi faslga ta'luqli kiyimlar savdosi yaxshi rivojlangan;
• Siz tovar chiqarmoqchi bo'lgan hudud aholisining o'rtacha xarid qobiliyati summasi?;
• Qaysi jins vakillariga oid liboslarning bozori chaqqon?;
• Asosan qaysi yo'nalishdagi kiyimlarga talab bor(Sport, klassik, uy kiyimlari va boshqalar)
• Sizning yo'nalishga ta'luqli kiyimlar asosan qaysi hududda ishlab chiqarilmoqda yoki import mahsulot bo'lsa uni ham belgilab qo'ying;
• Xaridorgi tovarlarni suratga oling va ularni tarozida tortib ko'ring, chunki sizga uni o'lchami emas og'irligi muhim sanaladi.

Siz yuqorida keltirilgan savollarga javob berish asnosida o'z biznesingiz uchun bozorni analiz qilgan hisoblanasiz. Har bir sohada analiz yaxshi samara beradi, chunki siz qanday mahsulotdan qancha ishlab chiqarish kerakligi haqida aniq tasavvurga ega bo'lasiz va boshlang'ich xarajatlar hamda dqaromadlaringizni chamalab ko'rishingizga imkoniyat bo'ladi. Keling endi sizlarga uskuna haqida ma'lumotlarni aytib o'tsak. Sizga shuni boshidan maslahat berib qo'yishni ma'qul deb topdik. Uskuna tayyorlaydigan mahsulotlar qalinligiga ko'ra turli xil (5G-16G) sinflarga ajratiladi. Sinflar ketma ketligi to'quv uskunasi qabul qiladigan iplar o'lchamidan kelib chiqib tuzilgan. Bunda 7-sinfga mansub uskuna eng qalin bo'lgan mahsulotlar ishlab chiqaradi ya'ni qalin ipdan. agar sizga bahor faslida kiyiladigan kiyimlar uchun uskuna lozim bo'lsa siz 12-14 sinfga mansub uskuna xarid qilganingiz ma'qul. Shuni aytish joizki bitta uskuna xarid qilib har xil qalinlikda mahsulotlar chiqara olaman deb fikrlash xatodir. Bundan tashqari uskuna chiqaradigan mahsulotingiz dizayni, to'quv usulining murakkabligiga ko'ra 1;2;3;4 sistemali turlarga bo'linadi. Yurtimizda 1 va 2 sistemali turlari keng tarqalmoqda. 3 sistemali biroz murakkab va shunga yarasha sekinroq to'qiganligi uchun hozirda yurtimizda talab kamroq bu turiga. Biz sizlarga 2 sistemali turini texnik ko'rsatgichlarini aytib o'tamiz. Uskuna sinflaridan o'zingizga ma'qulini buyurtma berishingiz mumkin. sizlarga qulaylik yaratish maqsadida barcha sinflarga tegishli uskunalar bir xil narxda sotamiz. Ushbu uskuna bir vaqtda bir xil mahsulotdan 2 qator qilib chiqara oladi.

Ushbu tavsiya etadigan liniyamizda asosiy ishni to'quv uskunasi bajarib beradi. Mahsulot uchun avval dizayn kiritiladi. Agar siz tanlagan dizayn uskuna xotirasida bo'lmasa uni maxsus dastur yordamida chizish lozim bo'ladi. Dizayn chizish xizmati ham bizda mavjud bo'lib bitta o'rtacha murakkablikdagi libos uchun 50-70$ ni tashkil qiladi. Uskuna boshqaruv panelini juda tushunarli deb bo'lmaydi, shuning uchun texnolog yordamida uni yaxshilab o'rganib olishni maslahat beramiz. Sizga tavsiya etadigan ixcham liniyamizga 2 kishi yetarli hisoblanadi. Mahsulot uchun iplar (Turkiya, Xitoy) topishda bizning kompaniyamiz sizlarga to'liq xizmat ko'rsatadi. Iplar sifati va tarkibiga ko'ra 3-5$/kg atrofida.

To'quv uskunasi istalgan turdagi dizaynlarni qabul qilishga moslangan bo'lib, agar sizning dizayningizda ranglar soni ko'p bo'lsa bu tezlikni sezilarli pasayishiga olib keladi. Yuqoridagi texnik parametrdagi uskuna yordamida siz bir sutkada 35-50 dona tayyor mahsulot ishlab chiqara olasiz. Uskuna yordamida siz har xil naqshlar va yozuvlarni iplar yordamida to'qish jarayonida tushirish imkoniga ega bo'lasiz. Agar sizda yetarli mablag' bo'lsa, u holda ko'proq uskunalar bilan ish boshlagan ma'qul. Sababi sizda taklif etiladigan mahsulotlar turi ko'proq bo'ladi va bozorga tezroq kirasiz.

YOQA QISMINI ULAB BERISH USKUNASI

Ushbu qism yarim tayyor mahsulotga ya'ni to'qilgan mahsulotimiz uchun alohda qilib to'qib olingan yoqa qismini asosiy qismga ulab berish uchun xizmat qiladi. asosan aylana shaklli qismlar uchun ishlatish maqsadga muvofiq.

CHOKLAR UCHUN MAXSUS OVERLOK

Overlok uskunasi bizning to'qilgan mahsulotlarimizni bir biriga ulash uchun xizmat qiladi. Bu ishni maxsus overlok yordamida qilishni maslahat beramiz, sababi yuqori sifat va choklar tanaga botmaydigan bo'lishi lozim. Sizga ma'lumki ish jarayonida to'qib chiqarilgan mahsulot alohida qismlarga bo'lib to'qib olinadi. Masalan yeng qismi, yoqa qismi, orqa va old qismlarga bo'linadi. Bu holatda qismlar birlashtirilib yaxlit mahsulot holiga keltiriladi.

Uskuna bo'yicha, dizaynlar, texnolog xizmatlari uchun bemalol biz bilan bog'lanib turishingiz mumkin.