-3%

Yengil va yuk avtomobil motor bloklarini yangilash uskunasi AF-B005

Mavjudligi:

Buyurtma bo'yicha mavjud


Zamonamiz rivojlangani sayin insonlar hayotini yengillashtiruvchi ko’plab qurilmalar ixtiro qilindi. Shulardan eng ommaboplaridan biri bu avtomobillardir. Ular yer yuzida harakat qiluvchi eng ko’p tarqalgan texnikadir. Yurtimizda ham bir biridan ajoyib ko’zni quvontiradigan yengil va yuk avtomobillari ishlab chiqarish toboro o’sib bormoqda. Hozirgi paytda «GM Uzbekistan» AJ ning 3 ta ishlab chiqarish maydonchasida «Shevrole» (Chevrolet) va «Ravon» (Ravon) brendlari ostida avtomobillarning 10 modeli ishlab chiqariladi, jumladan, Matiz, Spark (R2), Nexia (R3), Cobalt (R4), Lacetti (Gentra) modellari Asaka shahridagi asosiy ishlab chiqarish maydonida, Tracker, Malibu modellari Toshkent shahridagi filialda, Damas, Labo modellari Pitnak shahridagi filialda chiqariladi.

YILLIK ISHLAB CHIQARISH QUVVATI:

«GM Uzbekistan» AJ, Asaka shahri – 250 ming avtomobil.

«GM Uzbekistan» AJ filiali, Pitnak shahri – 40 ming avtomobil;

«GM Uzbekistan» AJ filial, Toshkent shahri – 10 ming avtomobil;

 

33,500$ 34,600$

Yuqorida keltirilgan kichik statistikadan ham ko’rinib turibdiku bugungi kunda ko’chalarimiz avtomobillarga to’lib bormoqda. Shu o’rinda ularga texnik xizmat ko’rsatish nuqtalar soni ham kun sayin ko’paymoqda va bunga talab ham ancha yuqori. Xoxlaymizmi yo’qmi vaqt o’tishi bilan avtomobillarimizning yuragi sanalgan motorda texnik nosozliklar kuzatiladi. Albatta ushbu qism eng qimmat detallardan biri sanalganligi uchun har kim ham uni yangisiga almashtirib qo’yishga sharoiti ko’tarmaydi. Bizning AFEX-GROUP kompaniyamiz sizga serdaromad xizmat ko’rsatish servisini tashkil qilishda o’z bilim va tajribasini ayamaydi. Keling biz sizlarga hozir yengil va kichik hajmli yuk avtomobillar motor blogini sozlash uchun kerakli bo’lgan uskunalar bilan tanishtirib o’tsak. Hozirgi kunda ushbu keng tarqalmagan va ko’pchilik naznida qiyin va qimmat uskunalardan jamlangan servis degan mavhum tushunchalar mavjud. Bunga sabab esa xizmat ko’rsatishning yopiq holatda olib borilishi va mijozga imkon qadar ishni qanday qilinganligini sir tutishdir. Albatta bunday usulni biz tijorat siri deb atasak ham bo’ladi. Hozir biz sizlarga o’sha sirni oshkor etamiz.

Dastavval avtomobil matori tuzatish holatiga kelganda bunga sabab bo’lgan omil aniqlanadi. Sabablar turlicha bo’lishi mumkin, avtomobil uchun yaroqli bo’lgan masofani bosib o’tganlik, sifatsiz moy ishlatilishi, vaqtida texnik ko’rikdan o’tmaslik, sifatsiz yoqilg’ilar va hakazo. Blokka nazar tashlar ekanmiz, undagi silindrlarga ko’zimiz tushadi, silindrlar esa porshenlarning bir tekisda harakatini ta’minlab beradi. Vaqt o’tishi bilan bizning blok silindrimizda qurumlar va qattiq qismlar hosil bo’ladi va oqibatda porshenlar harakati sekinlashadi. O’z o’zidan sizda moy sarfi ortadi, kerakli tezlikka chiqa olmaysiz, mashinada shovqin kuchayadi va yoqilg’i sarfi ham ortib boradi. Ba’zi hollarda avtomobil yurmay qolish darajasiga ham yetishi mumkin. Bunday vaziyatda siz yaxshi xizmat ko’rsatuvchi markazga murojaat qilishga majbur bo’lasiz. Keling xizmat ko’rsatish jarayonida foydalaniladigan uskunalar bilan birma-bir tanishtirib o’tsam.

ULTRATOVUSHLI TOZALASH USKUNASI

Dastavval ehtiyot qismlar yoki motor blok ishlov berishdan avval yaxshilab tozalanishi lozim. Ko’pchilik bu jarayon qo’lda bajariladi deb hisoblaydilar va bu xato fikr sanaladi. Zamonaviy ultratovush signallari yordamida tozalash juda qulay va ishning sifatli bajarilishini ta’minlab beradi. Biz sizlarga tavsiya etadigan tozalash uskunasi eng zamonaviy bo’lib, yuvishda foydalaniladigan suyuqlik va suvni tejash maqsadida tozalash filtrlari o’rnatilgan. Filtrlar sizga mahsulotingiz ko’ngildagidek tozalanishini va yuvish vositalari tejalishiga olib keladi. Uskuna zamonaviy plc boshqaruv paneliga ega bo’lib unda yuvish vaqti, chastota, temperatura va tezlikni nazorat qilish mumkin.

VETIKAL BLOK YO’NISH USKUNASI

Blok yaxshilab tozlangach uni silindr ichki qismini dastlabki yo’nish uchun ushbu uskunaga qo’yiladi. Uskunaga silindr diametridan kelib chiqqan holda yo’nuvchi qism joylanadi. Diametr aniq bo’lgan yo’nish chuqurligi moslashtiriladi. Uskunaning texnik ko’rsatgichlarida siz minimum va maksimum chuqurliklari va diametrlar haqida ma’lumotlarni o’qib olishingiz mumkin. Uskuna shuningdek oxirgi bosqichda ham ishtirok etadi ya’ni blok yuzasini maxsus disk yordamida charxlab berish uchun xizmat qiladi. Uskuna Invertor mator yordamida harakatlanganligi bois, uni mator metalining turiga va ishlov berish qalinligini e’tiborga olan holda tezlikni o’zgartirish mumkin bo’ladi. Uskuna ishlatish uchun juda qulay, bunga sabab siz mator blogini joylashtirgach uni vertikal yo’nuvchi qismga ostki stolni harakatlantirish yordamida tekislab olishingiz mumkin bo’ladi.

VERTIKAL HONING USKUNASI

Blok silindrlari birlamchi yo’nish ishi yakunlangach unga ikkinchi bosqichda ham tig’li ham charxli bo’lgan yo’nish uskunasida ishlov beriladi. Bu bosqichda ichki sirt qatlam silliqlik darajasi o’ta aniq holatga keltiriladi. Bunday jarayonda ishlash oson bo’lishi uchun maxsus moy yordamida amalga oshiriladi. Moyning vazifasi ishlov beriladigan qismga ishlov berishni osonlashtirish va sovutib turishdan iborat. Ichki qismga honing uskunasining ishlov berish jarayoni tugagach vertikal blok yo’nish uskunasiga joylanib blok tepa qism yuzasi maxsus diskda yaxshilab sayqallanadi.

Uskuna asosan avtomobil, mototsikl, yuk mashina va traktorlar dvigatel hamda v-dvigatellar honlama uchun ishlatiladi.

1. Mashina stoli moslama o’zgarish darajasi 0° , 30° va 45 ° siljitish mumkin .

2. Mashina stol osonlik yuqoriga va pastga tushadi qo’lda 0-180mm masofagacha

3. Aniqlik darajasi 0,04mm

4. 0-30m/min yuqoriga va pastga harakatlanish tezligi.

O’ylaymizki ushbu biznesni yo’lga qo’yish orqali siz o’z daromadlaringiz oshishiga erishasiz. Aholi turmush darajasi o’sgani sayin avtomobillar soni keskin oshib boradi. O’z o’zidan ularga xizmat ko’rsatish sohasi ham kengayadi. Ushbu biznesni boshlash uchun hozir ayni payti, sababi hozircha bizning bozorimiz bu kabi servislarga to’yinmagan va bu siz uchun yaxshi imkoniyat bo’lishi mumkin.

 

Baholash

0.0 overall
0
0
0
0
0

Birinchi bo'lib baho bering “Yengil va yuk avtomobil motor bloklarini yangilash uskunasi AF-B005”

Hozircha sharhlar yo'q.