Nam salfetka ishlab chiqarish liniyasi (10-120 donalik)

Mavjudligi:

Buyurtma bo'yicha mavjud


Biznes yaxshi daromad keltirishida ishlab chiqarish turini tanlash juda muhim. Doimiy iste’moldagi mahsulotni ishlab chiqarish esa eng yaxshi tanlov degani. Hozirgi kunda to’liq iste’molga kirgan, boshqacha qilib aytganda eng ko’p foydalaniladigan mahsulotlardan biri nam salfetkalardir. Bu turdagi salfetkalar o’zining gigienik ustunligi va universalligi bilan kundalik hayotimizning ajralmas qismiga aylangan. Shuni hisobga olgan holda “AFEX-GROUP” LLC jamoasi sizlarga nam salfetkalar ishlab chiqaradigan avtomatik uskunani taqdim qiladi.

49,300$

Bir qaraganda kichkina bo’lib ko’ringan bu mahsulot aslida eng daromadli biznes turlaridan biri hisoblanadi. Chunki, undan foydalanuvchilar soni kundan kunga ortib bormoqda. Endi esa nima sababdan ushbu biznesni boshlash kerakligi haqida to’xtalib o’tamiz:

  • Onajonlar uchun yaqin ko’makchi, ya’ni katta hajmli nam salfetkalar asosan bolalar tagliklarini almashtirish uchun ishlatiladi.
  • Doim talabgir bo’lgan mahsulotlar mavsum tanlamaydi. Ularga bo’lgan talab yozda ham, qishda ham bir xil – yuqori. Nam salfetkalar shunday mahsulotlardan biridir.
  • Bu biznesni boshlash uchun yuqori tajribaga ega bo’lish shart emas. O’z biznesini endi boshlayotgan tadbirkorlar uchun esa bu ayni muddao.
  • Biz taklif qiladigan uskuna to’liq avtomatlashtirilgan bo’lib, sizdan ko’p harakat talab qilmaydi. Bu esa ishchi kuchini tejashingiz mumkin degani.
  • Mahsulotni sotish bozori chegaralanmagan. Ya’ni siz ularni katta do’konlarda, ovqatlanish joylarida va dorixonalarda ham sotishingiz mumkin.
  • Katta ovqatlanish restoranlari, fast-food shahobchalari va boshqa joylar bilan hamkorlik qilib, buyurtma asosida ishlashingiz ham mumkin.
  • Sizda buyurtmaga ko’ra OEM buyurtma asosida ya’ni buyurtmachining LOGO va nomini qo’yib bergan holda yetkazib berish imkoni mavjud. Bu bilan siz albatta doimiy buyurtmalarga ega bo’lishingiz mumkin.
  • Kosmetika va go’zallik salonlaridan ham har xil hajmlilari keng ishlatiladi.
  • Nam salfetkalarni alkagolli qilish orqali yuqori dezinfeksiyalash uchun ham ishlatiladi.

NAMLANTIRUVCHI VA HID BERUVCHI SUYUQLIK TAYYORLASH MAXSUS IDISHI

Avvalo mahsulot qo’llanilish sohasini, ya’ni siz chiqaradigan mahsulotingiz qadog’idagi soni, avtomobilda qo’llash uchunmi yoki ayollar uchunmi va boshqa holatlar uchunmi aniqlik kiritib oling. Shunga qarab siz ishlab chiqaradigan nam salfetkalar uchun hid va suyuqlik tarkibi tanlanadi. Agar mahsulotingiz asosan Antibakterial holatlar uchun bo’lsa ko’p hollarda spirtli eritmalar qo’shishga tog’ri keladi. Suyuqlik tayyorlash idishimiz hajmi sizning kunlik mahsulot ishlab chiqarish hajmiga mos keladi. Idishda ishlatilgandan ortiqcha qolgan suyuqlik maxsus nasos yordamida yana qaytib tushadi.

NAM SALFETKA TAYYORLAB BERUVCHI QISM

Nam salfetka chiqarishdagi asosiy bosqichlardan biri formalab kesib beruvchi qismdir. Ushbu uskunamiz N+Cross shaklda formalaydi. Uskunamiz ishlatish jihatdan bir muncha qulay hamda sensorli ekranli boshqaruv paneli o’rnatilgan. Hozirda O’zbek tilinini o’rnatish ishlari allaqachon boshlab yuborilgan. Agarda siz uskunaga buyurtma beradigan bo’lsangiz, u holda aynan siz baxtli mijozlarimizdan biriga aylanishingiz mumkin. Kompaniyamiz uzoq muddatli izlanishlar va katta tajribaga ega zavodlardan olgan ma’lumotlari asosida sizga ushbu ixcham liniyani tavsiya qilmoqda. Liniyaning eng katta yutuqlaridan biri biz uni narx jihatdan qulay bo’lishiga erisha oldik. Ko’pgina mijozlarimiz bizga 10 donadan boshlab 120 donagacha uskuna so’rab murojaat qilishgan va afsuski uskunalarning narxi qimmatligi uchun ularning ko’pchiligi bu fikrdan qaytishgan. Biz uskunani imkon qadar universal qilishga harakat qilganligimiz bois, ularni barcha funksiyalarini avtomat qilishga imkon bo’lmadi. Shu sababli quyida tavsiya etadigan liniyamizga 2 nafar ishchi xodim kerak bo’ladi. Avvaldan sizga ma’lumki kompaniyamiz imkon qadar inson omili ish jarayonida ishtirok etmaslik tarafdori. Biz barcha mijolarimizga qo’l mehnati talab qilmaydigan bizneslar tavsiya etishga harakat qilamiz. Shunday mijozlarimiz uchun ham bizda yechim bor va narxi ozgina qimmatroq. Nam salfetka uskunasi ishlash jarayonida sozlamalar orqali siz har bir qadoqda qancha salfetka bo’lishi lozimligini belgilab olasiz va uskuna salfetkalarni kesish jarayonida buni hisoblab boradi. Siz kompaniyamizga buyurtma vaqtida nam salfetkaning qadoq ichida qanday o’lchamda bo’lishini aniqlab oling. Bu o’lchamlar sizga mahsulot ishlab chiqarish jarayonida xomashyo tanlashda kerak bo’ladi.

QADOQLASH USKUNASI

Qadoqlash jarayoni mahsulot ishlab chiqarishda yakunlovchi bosqich hisoblanadi. Qadoqlash uskunasi yuqori injenerlik mahorati yordamida yaratilgan bo’lib, qadoqlovchi materil ichiga mahsulot joylanadi, avval qadoqda salfetkani olish uchun teshikchalar ochiladi, teshik o’rni ustiga maxsus yopishqoq plyonka yopishtiriladi va shu tarzda qadoqlash davom etadi. Uskuna yordamida har xil o’lchamli mahsulotlar tayyorlash mumkin. Uskunamiz qadoqlangan mahsulot dizayni chiroyli bo’lishi uchun Brick Type Gusset usuli yordamida qadoqlaydi. Ushbu qadoqlash turining avzalligi mahsulot yon tomoni ham to’rtburchak ko’rinishda bo’ladi. Pastdagi rasmda farqi tushuntirilgan. Biz liniyamiz narxi qimmatlab ketmasligi uchun plastik qismli ochib yopiladigan qismlarni kleylashni ishchilarga qoldiramiz. Sababi ushbu qism uchun robot boshqaruvli uskuna zarur bo’lib, narxi boshlang’ich tadbirkorlar uchun qimmatlik qilishi mumkin.

Ushbu uskunaning avzalliklaridan biri to’liq servo boshqaruvga ega bo’lganligi uchun siz qadoq o’lchamini o’zgartirsangiz teshik ochish va yorliq yopishtirish qismlari avtomatik qadoq makraziga sozlanadi.

Mahsulot tayyorlash uchun kerakli barcha xomashyolarni AFEX-GROUP kompaniyasi taqdim etadi. Bular hid beruvchi va dezinfeksiyalovchi suvga qo’shiladigan qo’shimchalar, 70% spunlace va 30% viscose tarkibli noto’qima mato, qadoqlash uchun etiketkalar, o’zi yopishqoq yorliq,plastik ochib yopish qismi va boshqalar. Shuni alohida ta’kidlash kerakki, ushbu biznes pandemiya davrida yanada kuchaydi. O’zbekistonda ishlab chiqarish quvvatlari ichki bozorga yetarli bo’lmaganligi tufayli bizga Rossiya, Qozog’iston va boshqa davlatlardan ham import bo’lib kirib kelmoqda. Ushbu biznes tikkan pulingizni 12 oyda o’zini oqlashiga ishonamiz va bunga asoslarimiz yetarli.

NARXLAR

 

Baholash

0.0 overall
0
0
0
0
0

Birinchi bo'lib baho bering “Nam salfetka ishlab chiqarish liniyasi (10-120 donalik)”

Hozircha sharhlar yo'q.