Хати автоматии қаватдӯзии кӯрпаю бистар дар шакли рулон

Масалан, дар кишвари мо кӯрпачаҳои дукаса бо андозаҳои зерин мавҷуданд: дар тамоми ҷаҳон маъмултарин 175 x 205 см, 180 x 210 см, 200 x 200 см, 200 x 220 см. Андозаи стандартии кӯрпаю бистари якуними 143 x 215 см ва 150 x 200 см аст. Кӯрпаю бистари кӯдакона бо андозаи 110 x140 см, барои навзодон бошад бо андозаи 120x120 см мавҷуд аст. Ғайр аз ин, дар фурӯш моделҳои шакл ва андозаи ғайрианъанавиро ёфтан мумкин аст.

Бо харидани хати автоматикунонидашуда барои истеҳсоли ин навъи маҳсулот, ки ширкати мо «AFEX-GROUP» пешниҳод мекунад, Шумо на танҳо шумораи қувваи кориро кам мекунед, балки ба баланд шудани сатҳи сифат низ ноил мегардед!

Равандҳои умумии технологӣ дар истеҳсоли маҳсулот

Дар истеҳсоли маҳсулот аввал ба таҷҳизоти титкунии синтепон, ки дар таркиби хат аст, ашёи хоми синтепон бор карда мешавад. Таҷҳизот ашёи хомро тит карда, сипас тавассути конвейери қубурии ҳавоӣ ба бункери махсуси таҷҳизоти кардинг бор мекунад. Таҷҳизоти кардинг ашёи хомро бо андозаҳои муайян якҷоя бо матои субстрат ва рӯйпӯш ба мошини компютерикунонидашудаи бисёрсӯзанаи дӯзандагӣ мефиристад. Мошини бисёрсӯзанаи дӯзандагӣ ба ашёи хом гулҳои нақшини заруриро дӯхта, онро ба ҳолати маҳсулоти тайёр меорад. Сипас дар таҷҳизоти буриш аз рӯи андоза маҳсулот ба андозаҳои зарурӣ бурида мешавад.

Ашёи хоми зарурӣ:

Синтепон ё пахта.

Матои субстрат.

Матои синтетикӣ, абрешимӣ, пахтагӣ.

Ресмонҳои гуногуни саноати сабук.

Инфрасохтори зарурӣ барои оғози фаъолият:

Майдони зарурӣ; майдони ҷойгиршавии таҷҳизот 10x5 метр, майдони умумӣ бояд на камтар аз 70 м² бошад.

Энергияи барқ; 18 кВт.

Шумораи коргарон 2-3 нафар.

Таҷҳизоти таркиби хат:

Таҷҳизоти титкунӣ.

Таҷҳизоти кардинг.

Мошини бисёрсӯзанаи дӯзандагӣ.

Таҷҳизоти буриш аз рӯи андоза.

Таҷҳизоти автоматии печондани бобина.

Компрессори ҳаво.

Таҷҳизоти титкунӣ ва кардинг – дар истеҳсоли маҳсулот ин таҷҳизот бо мақсади автоматикунонӣ ба таркиби хат насб шудаанд. Вобаста ба навъи маҳсулоти Шумо, барои боз ҳам зиёд кардани ҳаҷми нахҳои синтепон ё пахта, дар таҷҳизоти титкунӣ коркарди такрорӣ анҷом дода мешавад. Нахҳои коркардшуда тавассути конвейери қубурии ҳавоӣ ба бункери махсуси таҷҳизоти кардинг бор карда мешаванд. Таҷҳизоти кардинг ашёи хомро бо ғафсии муайян ба мошини бисёрсӯзанаи дӯзандагӣ мефиристад.

Мошини бисёрсӯзанаи дӯзандагӣ – интихоби автоматии сӯзан ва системаи тормози ориентатсионӣ дорад. Нармафзоре, ки дар компютери Windows кор мекунад, истифода бурдан мумкин аст; системаи амалиётии компютерӣ ва нармафзори дизайн бо зиёда аз 250 дизайн метавонад дизайнҳои нав эҷод кунад. Ҳамаи равандҳо бо ёрии дисплейи LCD ва панели идоракунии CNC идора карда мешаванд.

Таҷҳизоти буриш аз рӯи андоза. Барои буридани маҳсулот ба андозаҳои зарурӣ дарозӣ ба хотираи мошини буранда ворид карда мешавад. Сипас таҷҳизот маҳсулотро ба таври автоматӣ бо дарозии муайяншуда мебурад.

Таҷҳизоти автоматии печондани бобина – барои мошини бисёрсӯзанаи дӯзандагӣ аз ресмонҳои гуногуни саноати сабук бо дарозии муайян ғалтакҳои заруриро тайёр мекунад.

Компрессори ҳаво – дастгоҳи ёрирасони ҳаҷмаш хурд барои таҷҳизоти буриш аз рӯи андоза.