Хати истеҳсоли маҳсулоти бофташуда (ҷемпер, палто, либосҳои кӯдакона ва ғайра) AF-L023

Шумо бояд дар минтақаи худ инҳоро омӯзед:

• Дар минтақа ба либосҳои аҳолии кадом синну сол талабот баланд аст;
• Савдои либосҳои кадом фасл хуб рушд кардааст;
• Маблағи миёнаи қобилияти харидории аҳолии минтақае, ки Шумо мол баровардан мехоҳед, чӣ қадар аст?;
• Бозори либосҳои намояндагони кадом ҷинс равнақ дорад?;
• Асосан ба либосҳои кадом самт талабот ҳаст (варзишӣ, классикӣ, либосҳои хонагӣ ва ғайра)
• Либосҳои марбут ба самти Шумо асосан дар кадом минтақа истеҳсол мешаванд ё агар маҳсулоти воридотӣ бошад, инро низ қайд кунед;
• Молҳои харидоргирро акс гиред ва онҳоро дар тарозу баркашед, зеро барои Шумо на андоза, балки вазни он муҳим аст.

Ҳангоми ҷавоб додан ба саволҳои дар боло овардашуда Шумо бозорро барои тиҷорати худ таҳлил кардаед. Дар ҳар соҳа таҳлил натиҷаи хуб медиҳад, зеро Шумо дар бораи он ки аз кадом маҳсулот чӣ қадар истеҳсол кардан лозим аст, тасаввури аниқ пайдо мекунед ва имконият мешавад, ки хароҷоти ибтидоӣ ва даромадҳои худро тахмин кунед. Акнун биёед ба Шумо дар бораи таҷҳизот маълумот диҳем. Мо лозим донистем, ки аз аввал инро маслиҳат диҳем. Маҳсулоте, ки таҷҳизот тайёр мекунад, вобаста ба ғафсиашон ба синфҳои гуногун (5G-16G) тақсим мешаванд. Тартиби синфҳо аз рӯи андозаи ресмонҳое, ки таҷҳизоти бофандагӣ қабул мекунад, тартиб дода шудааст. Дар ин ҳол таҷҳизоти синфи 7 маҳсулоти ғафстаринро, яъне аз ресмони ғафс истеҳсол мекунад. Агар ба Шумо таҷҳизот барои либосҳои фасли баҳор лозим бошад, беҳтар аст таҷҳизоти синфи 12-14-ро харидорӣ кунед. Бояд гуфт, ки бо харидани як таҷҳизот фикр кардан, ки маҳсулоти ғафсии гуногунро истеҳсол карда метавонам, хато аст. Ғайр аз ин, вобаста ба дизайни маҳсулоти Шумо ва мураккабии усули бофтан таҷҳизот ба навъҳои 1;2;3;4 системадор тақсим мешавад. Дар кишвари мо навъҳои 1 ва 2 системадор васеъ паҳн шуда истодаанд. Навъи 3 системадор каме мураккаб аст ва мувофиқан сусттар мебофад, бинобар ин ҳоло дар кишвари мо ба ин навъ талабот камтар аст. Мо ба Шумо нишондиҳандаҳои техникии навъи 2 системадорро баён мекунем. Шумо метавонед аз синфҳои таҷҳизот ба худ мувофиқашро фармоиш диҳед. Барои қулайии Шумо таҷҳизоти ҳамаи синфҳоро бо як нарх мефурӯшем. Ин таҷҳизот метавонад ҳамзамон аз як маҳсулот 2 қатор барорад.

Дар ин хате, ки мо тавсия медиҳем, кори асосиро таҷҳизоти бофандагӣ иҷро мекунад. Барои маҳсулот аввал дизайн ворид карда мешавад. Агар дизайни интихобкардаи Шумо дар хотираи таҷҳизот набошад, онро бояд бо ёрии барномаи махсус кашид. Хизмати кашидани дизайн низ дар мо мавҷуд аст ва барои як либоси мураккабиаш миёна 50-70$ ташкил медиҳад. Панели идоракунии таҷҳизотро хеле фаҳмо гуфтан мумкин нест, бинобар ин маслиҳат медиҳем, ки онро бо ёрии технолог хуб омӯзед. Барои хати ихчаме, ки ба Шумо тавсия медиҳем, 2 нафар кифоя аст. Дар ёфтани ресмонҳо барои маҳсулот (Туркия, Чин) ширкати мо ба Шумо хизмати пурра мерасонад. Ресмонҳо вобаста ба сифат ва таркиб тақрибан 3-5$/кг мебошанд.

Таҷҳизоти бофандагӣ барои қабули ҳар гуна дизайн мутобиқ шудааст, аммо агар дар дизайни Шумо шумораи рангҳо зиёд бошад, ин боиси хеле паст шудани суръат мегардад. Бо ёрии таҷҳизоти дорои параметрҳои техникии дар боло зикршуда Шумо дар як шабонарӯз 35-50 дона маҳсулоти тайёр истеҳсол карда метавонед. Бо ёрии таҷҳизот Шумо имконият пайдо мекунед, ки ҳангоми бофтан бо ёрии ресмонҳо нақшҳо ва навиштаҷоти гуногун гузоред. Агар Шумо маблағи кофӣ дошта бошед, беҳтар аст корро бо таҷҳизоти бештар оғоз кунед. Зеро навъҳои маҳсулоти пешниҳодкардаи Шумо бештар мешаванд ва ба бозор зудтар ворид мешавед.

ТАҶҲИЗОТИ ПАЙВАСТ КАРДАНИ ҚИСМИ ГИРЕБОН

Ин қисм барои пайваст кардани қисми гиребон, ки барои маҳсулоти нимтайёр, яъне маҳсулоти бофтаи мо алоҳида бофта шудааст, ба қисми асосӣ хизмат мекунад. Асосан барои қисмҳои шакли мудаввар истифода бурдан мувофиқ аст.

ОВЕРЛОКИ МАХСУС БАРОИ ДАРЗҲО

Таҷҳизоти оверлок барои ба ҳам пайваст кардани маҳсулоти бофтаи мо хизмат мекунад. Маслиҳат медиҳем, ки ин корро бо ёрии оверлоки махсус анҷом диҳед, зеро сифат бояд баланд бошад ва дарзҳо набояд ба бадан фурӯ раванд. Ба Шумо маълум аст, ки дар ҷараёни кор маҳсулоти бофташаванда ба қисмҳои алоҳида тақсим шуда бофта мешавад. Масалан, ба қисми остин, қисми гиребон, қисмҳои пушт ва пеш тақсим мешавад. Дар ин ҳолат қисмҳо муттаҳид карда шуда, ба ҳолати маҳсулоти яклухт оварда мешаванд.

Оид ба таҷҳизот, дизайнҳо ва хизматҳои технолог Шумо метавонед бемалол бо мо тамос гиред.