1 / 12

Хатҳои тайёрРамзи мол: 6189199e23e41005522ff8c0

Заводи истеҳсоли асфалт

Сохтмонҳо ва иншоот рамзи қудрати ҳар як давлат мебошанд.

Пешниҳоди инфиродӣ

Ғунҷоиш: 4*6,5 м3
Иқтидори мотор: 4*1,5 кВт
Бари тасма: 500 мм
Иқтидори мотори ларзишӣ: 2*0,25 кВт
Баландии боркунӣ: 3 м
Бар: 3.2 м

РасониданДар асоси шартнома
НасбАз ҷониби мутахассисон
КафолатКафолати истеҳсолкунанда
Дастгирии техникӣДар асоси шартнома

Дар бораи таҷҳизот

Сохтмонҳо ва иншоот рамзи қудрати ҳар як давлат мебошанд. Мукаммалӣ ва сифати биноҳо ва роҳҳо ба обрӯи кишвар саҳми калон мегузоранд. Дар солҳои охир дар кишвари мо дар ин соҳа низ оҳиста-оҳиста тағйироти мусбат ба амал омада истодааст. Яке аз мушкилоти асосии кишвари мо он аст, ки аксари роҳҳо ба стандартҳои сифат ҷавобгӯ нестанд. Барои ин омилҳои гуногунро сабаб нишон додан мумкин аст. Ширкати мо бошад ба Шумо, мизоҷони азиз, мини-заводро барои истеҳсоли асфалт — яке аз маҳсулоти асосии сохтмонӣ пешниҳод мекунад. Умедворем, ки тавассути ин завод Шумо метавонед маҳсулоти босифат ва арзон истеҳсол кунед.

Бартариҳо

Бехатар — пӯшишҳои асфалтӣ ба суръати баланд тобоварӣ, контрасти баланди рангро байни пӯшиши асфалт ва аломатҳои роҳ таъмин мекунанд ва ба ронандагон имкон медиҳанд, ки дар ҳар гуна шароити обу ҳаво роҳро хуб бинанд. Роҳҳои асфалтӣ ях ва барфро нисбат ба дигар пӯшишҳо тезтар об мекунанд.
Нарм — пӯшишҳои асфалтӣ нисбат ба дигар пӯшишҳо сатҳи ҳамвортарро таъмин мекунанд. Азбаски асфалт нармтар аст, фарсудашавии шинаҳоро кам мекунад, ки ин маънои сарфаи сӯзишворӣ ва кам шудани партовҳои гази карбонатро дорад.
Бесадо — роҳҳои асфалтӣ метавонанд садоро дар роҳҳои автомобилгард то ҳафт децибел кам кунанд. Барои маълумот бояд ёдовар шуд, ки кам кардани садо ҳамагӣ ба се децибел ба ду баробар зиёд кардани масофаи байни манбаи садо ва шунаванда баробар аст.
Аз ҷиҳати экологӣ тоза — асфалт маҳсулоти 100% дубора коркардшаванда аст. Барои истеҳсол ва гузоштани асфалт нисбат ба дигар маводи пӯшиш 20% энергияи камтар лозим аст. Шинаҳои истифодашуда ва дигар маҳсулоти нафтиро дар пӯшиши нави асфалтӣ дубора истифода бурдан мумкин аст, ки ин имкон медиҳад захираҳои табиӣ сарфа карда шаванд.
Устувор — пӯшишҳои асфалтӣ ба муддати дароз устуворанд. Ҳамаи пӯшишҳои асфалтӣ хосияти пайвастшавӣ ва чандирӣ доранд. Ин соҳаҳо ва имкониятҳои истифодаи онҳоро васеъ мекунад.

Қисмҳои асосии завод

Дар поён Шумо метавонед қисмҳои асоситарини истеҳсолии заводро бинед:

Системаи интиқоли ашёи хом
Системаи хушккунӣ-гармкунии ашёи хом
Системаи омехтакунии ашёи хом
Системаи пневматикии фишордиҳӣ
Системаи марказии идоракунӣ
Системаи тозакунӣ аз чанг (чанги намнок)
Системаи нигоҳдорӣ ва интиқоли хокаҳои минералӣ
Системаи гармкунии асфалт (каммасрафи энергия)

Маълумоти умумӣ

Акнун бо маълумоти муфассалтар дар бораи ин мини-заводи мо шинос шавем. Дар поён метавонед бо нишондиҳандаҳои умумии техникии завод шинос шавед:

Ҳаҷми истеҳсол: 60 тонна/соат
Ҳарорати асфалти гарм: 130°C-165°C
Садои кор: ≤70 дБ(A)
Идоракунии раванд: дастӣ ва пурра худкор
Шиддат: 380 В, 50 Гц
Иқтидор: 135.84 кВт
Андозаҳои завод: 36*18*13 м
Майдони зарурӣ: 650 метри мураббаъ
Ашёи хом: карбон, нитроген, сулфат, ҳидроген, никел, металл ва дигар пасмондаҳои нафт, ангишт, об, сангҳои минералӣ.
Навъҳои асфалт: гарм ва хунук

Дар ин ҷо бояд як маълумотро қайд кард. Бо ёрии ин хат ду навъи асфалт истеҳсол кардан мумкин аст. Аз ин рӯ дар таркиби кимиёвии асфалт тағйирот ба амал меояд. Заводро вобаста ба хосиятҳои асфалт ва зичии зарурӣ танзим кардан мумкин аст. Акнун метавонем ба таҷҳизот ва равандҳои зарурӣ гузарем. Аввалин марҳилаи истеҳсол — пеш аз ҳама нигоҳ доштани ашёи хоми зарурӣ ва интиқоли он ба таҷҳизоти минбаъда мебошад. Пас, барои ин ба мо резервуари нигоҳдории ашёи хом лозим мешавад. Дар таркиби ин завод шумораи чунин резервуарҳо 4 адад аст. Ин маънои онро дорад, ки 4 навъи ашёи хомро нигоҳ доштан мумкин аст. Бо талаби харидор бо пардохти иловагӣ резервуарҳо илова карда мешаванд.

Резервуарҳои нигоҳдорӣ

6 параметр

Ғунҷоиш: 4*6,5 м3
Баландии боркунӣ: 3 м
Бар: 3.2 м
Иқтидори мотор: 4*1,5 кВт
Бари тасма: 500 мм
Иқтидори мотори ларзишӣ: 2*0,25 кВт

Дар навбати дигар ба мо ду навъи конвейер (TK-35 ва TK-45) лозим мешавад. Вазифаи онҳо ҷамъ кардани ашёи хом аз резервуарҳо ва расонидани он ба таҷҳизоти минбаъда мебошад.

TK-35

6 параметр

Бари тасма: 500 мм
Ғунҷоиш: 80 тонна/соат
Иқтидор: 4 кВт
Бари тасма: 500 мм
Ғунҷоиш: 80 тонна/соат
Иқтидор: 5,5 кВт

Дар таркиби ашёи хом партовҳои гуногун ва сангчаҳои майдаи зиёдатӣ буда метавонанд. Аз ин рӯ дар байни ду конвейер скрин (таҷҳизоти ғалберкунанда) ҷойгир мекунем.

Акнун навбати гарм кардани ашёи хом расид. Сӯзонидан-гарм кардани онҳо дар ҳарорати баланд ба сифати баланд оварда мерасонад. Пеш аз ҳама барои гарм кардани онҳо барабани силиндрии ба се қисм ҷудошуда лозим мешавад. Ҳарорат дар дохили барабани силиндрӣ тақрибан 400-500 дараҷа мебошад.

Барабани силиндрӣ

4 параметр

Қутр: F1,2 м
Дарозӣ: 5,2 м
Иқтидори мотор: 11 кВт
Ғунҷоиш: 80 тонна/соат

Ба мо таҷҳизоте низ лозим мешавад, ки ангиштро месӯзонад. Ин заводи мо бо назардошти вазъияти охир барои кор бо ангишт мутобиқ карда шудааст. Дар таркиби ин таҷҳизот майдакунаке низ ҳаст, ки ангиштро майда мекунад. Барои истеҳсоли 1 тонна маҳсулот ба ҳисоби миёна 13-15 кг ангишт лозим аст. Таҷҳизот дар маҷмӯъ 45 кВт нерӯи барқ масраф мекунад.

Таҷҳизоти бардоранда

Ин заводи мо ду элеватор (таҷҳизоти бардоранда)-ро дар бар мегирад. Якум барои бардоштани агрегате, ки ба ҳолати омехта омадааст. Дуюм бошад ашёи хоми хокашакли аз агрегатҳо боқимондаро мебардорад. Инро аз навори охири мақола муфассалтар фаҳмидан мумкин аст.

Системаи ғалберкунӣ

Ҳамин тавр, агрегатҳоро, ки маҳсулоти тайёр мебошанд, ба боло бардоштем. Дар марҳилаи навбатӣ аз таҷҳизоти ларзишии 4-қабата истифода мебарем. Ин таҷҳизот бо ёрии ларзиш ва ғалберҳои андозаашон гуногун агрегатҳоро аз ҳамдигар ҷудо мекунад. Иқтидори мотори таҷҳизот 7,5 кВт.

Системаи ченкунӣ

Дар марҳилаҳои қаблӣ бо ёрии скрини ларзишӣ агрегатҳоро ҷудо кардем. Дар ин марҳила бошад онҳоро аз ҳамдигар ҷудо карда чен мекунем. Барои ин ба мо 3 зарфи ченкунӣ лозим мешавад: барои агрегати гарм, барои ашёи хоми хокашакл ва барои чен кардани асфалт. Дар ҳар яки онҳо 3-тоӣ сенсор насб шудааст ва мутаносибан ғунҷоиши 700 кг, 80 кг ва 50 кг доранд.

Ба қисми асоситарини раванди истеҳсоли худ — омехта кардани маҳсулот низ расидем. Омехта кардани дурусти ашёи хоми нимтайёр ба сифати маҳсулоти ниҳоии мо — асфалт таъсири калон мерасонад. Барои ин ба мо таҷҳизоти зерин лозим мешавад

Омехтакунак

4 параметр

Ғунҷоиши омехтакунӣ: 700 кг
Давомнокии омехтакунӣ: <48 с
Иқтидори мотор: 30 кВт
Шумораи бахшҳо: 4 адад

Системаи тозакунӣ аз чанг

Барои ин система таҷҳизоти дар расмҳои поён буда лозим мешавад.

Қисми дохили ҳошияи сурх — таҷҳизоти сиклонии тозакунии чанг. Қисми сабз бошад — таҷҳизоти тозакунӣ бо филтри обӣ.

Системаи интиқол ва нигоҳдорӣ

Дар раванди истеҳсол ашёи хом ба ҳолати хока низ оварда мешавад, зеро асфалти хокашакл низ ҳангоми таъмири роҳҳо ба асфалти гарм илова карда мешавад. Барои ин ба мо ду силос ва конвейер лозим мешавад. Ин чӣ гуна хока буданро аз навори қисми охир фаҳмида метавонед.

Барои интиқол ва нигоҳдории асфалти тайёр низ резервуар, бункер ва насосҳо лозим мешаванд.

Системаи пневматикии фишордиҳӣ

Барои ин ба мо як компрессори ҳавоӣ ва дигар қисмҳои эҳтиётии он лозим мешавад. Ҳосилнокии компрессори ҳавоӣ 3 метри мукааб дар як дақиқа кифоя аст. Иқтидораш 7,5 кВт.

Хати мо системаи пурра автоматикунонидашудаи электронии идоракуниро дар бар мегирад. Ба он инҳо дохил мешаванд:

Системаи автоматикунонидашудаи электронии идоракунӣ

7 параметр

Шумораи кабинаҳо: 2 адад
Волтметр: 1 адад
Амперметр: 1 адад
Экрани идоракунӣ: Системаи идоракунии PLC
Қисмҳои эҳтиётӣ: Schneider,Omnor,Chint
Принтер: 1 адад
Андозаҳо: 6*2,2*2,5 м

Тавассути навори дар поён ҷойгиркардаи мо равандҳои истеҳсолии заводи асфалтро дар шакли аниматсионӣ пешниҳод мекунем.

AFEX · МАШВАРАТ

Операторҳо онлайн

Дархости зуди нарх

Ном ва рақами телефони худро гузоред — боқимондаро мутахассиси мо ҳал мекунад.

ТаҷҳизотЗаводи истеҳсоли асфалт

Маълумоти шумо ба шахсони сеюм дода намешавад