Хати автоматии тайёр кардани тасмаҳои металлӣ

Тасмаҳои металлии бо андозаҳо буридашуда дар мошинсозӣ, техникаи маишӣ, бастабандӣ, маводи сохтмонӣ ва саноати коркарди металл васеъ истифода мешаванд. Дар кишвари мо тасмаҳои металлӣ яке аз маҳсулоте ба ҳисоб мераванд, ки дар саноат асосан барои қисмҳои ҷамъкунанда, аграф, профили гипсокартон, қубур, профил ва дигар соҳаҳо васеъ истифода мешаванд. Бо талабот ба маҳсулот Шумо на танҳо бозори кишвари моро таъмин карда метавонед, балки ба давлатҳои ҳамсоя низ содирот карда метавонед; бо насби ин таҷҳизот маҳсулоти аз истеҳсоли худ зиёдмондаро ҳамчун таъминкунанда ба дигар намояндагони тиҷорат низ расонида метавонед. Аз «AFEX GROUP» оид ба ин таҷҳизот маълумоти муфассалтар гирифта метавонед. Мо ба Шумо дар расонидан ва насби таҷҳизоти кафолатдор ва бо ёрии технологҳои баландихтисос дар истеҳсоли босифати маҳсулоти Шумо аз наздик кӯмак мерасонем!

Ашёи хоми зарурӣ:

Рулонҳои металлии бараш то 1600 мм ва ғафсиаш то 0.5-3 мм. Дараҷаи ғафсии металл гуногун аст, масалан, барои истеҳсоли профили гипсокартон тасмаи металлие истифода мешавад, ки дараҷаи сахтӣ ва ғафсиаш чандон баланд нест. Барои қубур ва профил истифодаи тасмаи металлии дорои дараҷаи баланди сахтӣ ва ғафсӣ мувофиқи мақсад аст. Дар ҷараёни коркарди металл дар таҷҳизот ҳар қадар дараҷаи сахтӣ баланд бошад, эҳтимоли шикастан ҳамон қадар баланд мешавад.

Майдони зарурӣ:

Барои истеҳсоли маҳсулот ҳамаи таҷҳизоти хатро 225 дар майдони (25x9) метри мураббаъ ҷойгир кардан мумкин аст. Илова бар ин, бояд ҷои нигоҳдории ашёи хом ва роҳравҳои даромаду баромади мошинҳои боркаш мавҷуд бошанд. Баландии шифти бино бояд на камтар аз 6 метр бошад. Дар қисми болоии бино мавҷуд будани дастгоҳи бардоранда (ТАЛ) талаб карда мешавад.

Таъминоти зарурӣ:

Унсурҳои инфрасохтори иншооти саноатӣ бояд бо нерӯи барқ таъмин карда шаванд. •Иқтидори барқии хат -150 кВт/380 В, 50 Гц. •Трансформатори зарурӣ - аз 200 кВт/380 В, 50 Гц зиёд.

Таҷҳизоти таркиби хат:

• Дастгоҳи боркунии рулон • Таҷҳизоти кушодани рулон • Таҷҳизоти ҳамворкунӣ • Дастгоҳи равонакунии паҳлуӣ • Таҷҳизоти буриш ба тасмаҳо • Дастгоҳи печонидани тасмаи зиёдатӣ (аз ду тараф) • Дастгоҳи Looper • Таҷҳизоти ҷудокунӣ ва кашиш • Таҷҳизоти печонидан • Дастгоҳи фуроварӣ барои таҷҳизоти печонидан • Системаи гидравликӣ • Системаи пневматикӣ • Системаи идоракунии электронӣ Дар бораи марҳилаҳои истеҳсол дар расми зерин дидан мумкин аст. Механизми кори хати автоматии тайёр кардани тасмаҳои металлиро бо ёрии суратҳои таҷҳизот шарҳ медиҳем.

Таҷҳизоти кушодани рулони металлӣ

Ба ин таҷҳизот рулонҳои металлиро бо ёрии дастгоҳи боркунии рулон бор мекунем. Дар таҷҳизот рулони диаметри дохилиаш Ф508 истифода мешавад, агар диаметри дохилӣ калон бошад, тавассути қистирмаи каучукӣ ҷойгир карда мешавад. Диапазони васеъшавии силиндри гидравликӣ: F460 - F510 мм, системаи боздорӣ бо фишори пневматикӣ, бари максималии рулон 1600 мм.

Ҳамворкунӣ

Пеш аз буриш бо андозаҳо рулони металлиро тавассути валҳо ба таври якхела ҳамвор кардан лозим аст.

Таҷҳизоти буриш бо андозаҳои дақиқ

Диаметри дискҳои буранда Φ180. Дискҳоро дар бари 1600 мм насб кардан мумкин аст. Суръати буриш ≤80 м/дақ. Ҳангоми буридани ғафсии 0.3-1.0 мм 25 қатор, ҳангоми буридани ғафсии 1.0-1.9 мм 15 қатор, ҳангоми буридани ғафсии 2-3 мм 8 қатор тасма ҳосил мешавад.

Дастгоҳи печонидани тасмаи зиёдатӣ

Таҷҳизот дар ҷараёни буриш, ба ғайр аз тасмаҳои металлии бо андозаҳои зарурӣ буридашуда, тасмаҳои зиёдатиеро, ки аз канорҳои рулон боқӣ мемонанд, барои он ки ба фаъолияти таҷҳизот таъсир нарасонанд, мепечонад.

Таранггардонандаи тасмаҳо

Ин таҷҳизот тасмаҳоро ҷудо карда, таранг мекунад, ин раванд буриши тасмаҳоро дар таҷҳизоти буранда осон мекунад. Барои ин таҷҳизот (Looper) ҷойи чуқуриаш 3 метр, бараш 2 метр ва дарозиаш 3 метр лозим аст; тасмаҳо ҳангоми гузаштан ба раванди навбатӣ ҳалқа ҳосил мекунанд.

Печонидани тасма

Тасмаҳои тайёри металлӣ, ки аз Looper гузаштаанд, ҳалқашакл шуда, ба таври якхела печонида мешаванд. Маҳсулот аз дастгоҳи печонидан бо ёрии дастгоҳи фуроварӣ фуроварда мешавад.

Ҷевони барқӣ

Ҷевони идоракунии барқӣ ва ду панели манипулятсия мавҷуд аст, таҷҳизот тавассути системаи PLC идора карда мешавад. Фишор: 16 МПа Иқтидор: 7.5 кВт - 4 дона Ҳаҷми зарфи равған: 450 л