Хати истеҳсоли қуттиҳои гофра AF-L028

ТАЪМИНОТИ ЗАРУРӢ БАРОИ ХАТ

Бино: майдони истеҳсолии на камтар аз 150 м2

Ашёи хом: паҳнии ғелонаки крафт 1400мм

Қувваи корӣ: 5 нафар

Шиддат: 3-фазавӣ 380 В 50 Гц

Таъминоти газ: лозим нест

Таъминоти об: лозим нест

Канализатсия: лозим нест

Ин таҷҳизот барои кор дар як вақт бо ду ғелонак пешбинӣ шудааст. Барои додани мавод ба қисми гофракунӣ ва ширешкунии коғази крафт истифода мешавад. Ҳангоми кор имконияти худаш аз замин бардоштани ғелонакро дорад. Ин зарурати бардоштани ғелонаки вазнинро аз байн мебарад.

Вазифаи асосии таҷҳизот аз он иборат аст, ки ба ғелонаки воридшаванда изи махсус гузошта, ҳарду қабатро бо ёрии ширеш ба ҳам пайваст кунад. Барои зуд хушк шудани ширеш мо на усули хушккунӣ бо буғ, балки бо валики барқиро интихоб кардем. Ин ба Шумо имкон медиҳад, ки бе хароҷот ва таҷҳизоти иловагӣ маҳсулоти баландсифат истеҳсол кунед.

Пас аз он ки худатон муайян кардед, ки варақҳои гофраи кадом андоза харидоргиранд, метавонед яке аз андозаҳои дар ин сурат инъикосёфтаро интихоб карда, ба мо фармоиш диҳед. Хотиррасон мекунем, ки ин андоза андозаи изҳоест, ки ба қисми қатшавандаи варақи Шумо гузошта мешаванд ва барои тағйир додани онҳо фармоиши вали иловагӣ зарур мешавад. Маслиҳат медиҳем, ки хуб андеша карда фармоиш диҳед.

Ин қисм мувофиқи фармоиши Шумо барои аз ғелонаки гофра бо андозаи лозимӣ буридан ва ба варақҳои гофра ҷудо кардан истифода мешавад. Андозаи буришро оператор ба компютер ворид мекунад, ғелонаки крафти ҳаракаткунанда бо ёрии датчикҳои лазерӣ чен карда шуда, бо ёрии барабани буранда бурида мешавад. Азбаски кордҳои амудӣ ва уфуқии буранда дар реҷаи автоматӣ кор мекунанд, аз Шумо таҷрибаи баланд талаб карда намешавад.

Функсияи қабули коғази ин таҷҳизот такмил ёфтааст ва қисми якто-якто ба принтер додани коғаз мавҷуд аст. Тасвир ба варақҳои гофра тавассути барабанҳое, ки қолиб дар онҳо гузошта шудааст, чоп карда мешавад. Дар таҷҳизот раванди баландтехнологӣ ба амал меояд, ки имкон медиҳад дар муддати кӯтоҳ хушк шавад. Агар усули сохтани қуттии Шумо танҳо аз пайваст кардани тарафҳо иборат бошад, ин принтер изҳоро барои Шумо мегузорад. Инчунин таҷҳизот барои буридани қисмҳои бурида мешудаи ба канорҳои варақ пайваст низ истифода мешавад. Дар чунин ҳолатҳо ба Шумо ёрии техникаи дигар лозим намешавад. Ин принтер барои қуттиҳои гофраи ғафсиашон 0-12мм пешбинӣ шудааст.

Қуттиҳои гофра вобаста ба соҳаи истифода бо ширеш ё степлер пайваст карда мешаванд. Дар ин ҷо вазни маҳсулоте, ки ба қуттӣ гузошта мешавад, ва ҳаҷми қуттӣ нақши муҳим мебозанд. Таҷҳизот бо степлеркунии зуди худ аз навъҳои дигар фарқ мекунад. Вобаста ба ғафсии гофра дарозии скоба танзим мешавад. Вобаста ба вазни бори гузошташаванда фосилаи ҷойгиршавии скобаҳо танзим карда мешавад.

Қуттиҳое, ки бо степлер пайваст кардан ғайриимкон аст ё барои маҳсулоти сабуктар пешбинӣ шудаанд, ширеш карда мешаванд. Баъзан мебинем, ки болои қуттиҳои ширешшуда степлер ҳам зада шудааст ва ин аз баланд будани сифати қуттӣ шаҳодат медиҳад. Таҷҳизоти ширешкунӣ аввал аз рӯи паҳнои қуттӣ танзим карда мешавад ва ширеш ба таври автоматӣ ба қуттӣ рехта мешавад. Барои зуд хушк шудани ширеш он якҷоя бо гармӣ дода мешавад.

Баъзе қуттиҳоро бо ёрии принтер буридан ғайриимкон аст. Барои чунин қуттиҳои ғайристандартӣ таҷҳизоти махсуси буранда мавҷуд аст. Дар байни мардум ин таҷҳизотро тигел-пресс меноманд. Ин таҷҳизотро алоҳида истифода бурда ҳам даромади хуб ба даст овардан мумкин аст. Зеро қуттиҳои чопшудаи якқабата барои ширинҳои гуногун ва зарфҳои яккарата маҳз бо ёрии ҳамин таҷҳизот бурида мешаванд. Мо ба Шумо навъи андозаи стандартии таҷҳизотро пешниҳод мекунем. Навъҳои калонтар ва хурдтари он низ мавҷуданд. Таҷҳизот барои ҳар як шакл қолиби алоҳида талаб мекунад. Дар бораи он ки қолибҳоро чӣ тавр сохтан ва аз куҷо фармоиш додан мумкин аст, кормандони мо ба Шумо маълумот медиҳанд. Таҷҳизотро ба таври автоматӣ ва бо ёрии педал ба ҳаракат овардан мумкин аст.

Боварӣ дорем, ки бо ёрии таҷҳизот тиҷорати Шумо боз ҳам васеъ шуда, даромадатон афзоиш меёбад. Муҳимтар аз ҳама, мо ифтихор дорем, ки дар муҷаҳҳаз гардидани ин соҳа бо таҷҳизоти ба талаботи имрӯза пурра мувофиқ саҳми мо низ ҳаст.