Таҷҳизоти истеҳсоли салфеткаҳои диспенсерӣ

Таҷҳизоти истеҳсоли салфеткаҳои коғазии яккаратаи пешниҳодкардаи ширкати мо ба қатори таҷҳизоте дохил мешавад, ки бештар аз ҳама муштариёни моро ба худ ҷалб карда ва аз ҷониби онҳо зиёд харидорӣ шудааст. Таваҷҷуҳи зиёд ба ин тиҷорати даромаднокро бо паҳншавии васеи ин гуна салфеткаҳо дар ҳаёти ҳаррӯзаи мо ва талаботи баланд ба онҳо шарҳ додан мумкин аст. Муштариёни мо, ки таҷҳизоти ҳамин навъи салфеткаҳоро харидаанд, ба истилоҳи халқӣ «корашон пеш рафта», тиҷорати худро васеъ мекунанд. Бисёре аз муштариёни мо акнун ба истеҳсоли салфеткаҳои диспенсерӣ низ таваҷҷуҳи зиёд зоҳир мекунанд.

Салфеткаҳои диспенсерӣ кашфиёти аҷибе мебошанд ва ҳамаи мо ин гуна салфеткаҳоро дар қаҳвахонаҳо, тарабхонаҳо ва дигар нуқтаҳои хӯрокхӯрӣ бисёр дидаем ва аз онҳо истифода кардаем. Онҳо дар диспенсерҳои махсус дар ҳолати қатшуда ҷойгиранд. Ин гуна салфеткаҳо нисбат ба салфеткаҳои муқаррарии чоркунҷа як қатор бартариҳо доранд. Онҳо дар диспенсерҳои махсус ҷойгир карда мешаванд, ки ин тоза нигоҳ доштани салфеткаҳо ва гигиенаи баландро таъмин мекунад. Бартарии онҳо дар он аст, ки бо як ҳаракат салфеткаро бе расондан ба дигар салфеткаҳо бемалол гирифтан мумкин аст. Инчунин дар диспенсер қарор доштани салфеткаҳо ва якто-якто гирифтани онҳо аз диспенсер исрофи салфеткаи зиёдатиро пешгирӣ мекунад ва барои соҳибони қаҳвахонаю тарабхонаҳо хароҷоти зиёдатиро кам мекунад. Ба диспенсерҳо бошад, ҳар гуна рекламаро низ ҷойгир кардан мумкин аст. ТАҶҲИЗОТИ ИСТЕҲСОЛИ САЛФЕТКАИ ДИСПЕНСЕРӢ Таҷҳизоти истеҳсоли салфеткаҳои диспенсерӣ аз ҷиҳати кор бо таҷҳизоти салфеткаҳои муқаррарии чоркунҷа якхела ба ҳисоб меравад.Талаботи зарурӣ барои таҷҳизот:

• Ҷараёни барқ бо шиддати 380 волт
• ба ҳисоби миёна 20-25 метри мураббаъ ҷой (танҳо барои таҷҳизот, барои маҳсулот ва ашёи хом ҷойи калонтар лозим аст)
• ақаллан 2 нафар коргар

Аввал ашёи хом гирифта шуда, ба таҷҳизот насб ва ба кор андохта мешавад. Пас аз он ашёи хом аз байни валҳо мегузарад ва нақши валҳо дар ашёи хом инъикос меёбад. Дар марҳилаи навбатӣ салфеткаҳо ба таври амудӣ ва уфуқӣ қат карда мешаванд. Баъд аз ин салфеткаҳо қат шуда, ба ҳолате меоянд, ки ҳарфи L-ро ба хотир меорад. Дастгоҳи кашиши ҳаво, ки ба таҷҳизот пайваст аст, вазифаи қат кардани салфеткаҳоро иҷро мекунад.

ДАСТГОҲИ КАШИШИ ҲАВО

Пас аз қат шудан салфеткаҳо бо андозаи лозимӣ бурида шуда, дар системаи автоматии ҳисобкунӣ шумурда мешаванд.

01

Таҷҳизоти истеҳсоли салфеткаи диспенсерӣ

8 параметр

Кишвари истеҳсол

Чин

Шиддат

380В50Гц

Иқтидор

4,5кВт/соат

Андозаҳои маҳсулот

130*80мм (мувофиқи талаби муштарӣ метавонад тағйир ёбад)

Ҳаҷми истеҳсол

400-600 дона/мин

Функсияи ҳисобкунии автоматӣ

Мавҷуд

Андоза

2600*1500*1500мм

Вазн

1200кг

Дар марҳилаи охир пас аз шумурда шудан дар системаи автоматии ҳисобкунӣ салфеткаҳои диспенсерӣ дар таҷҳизоти нимавтоматии бастабандӣ бастабандӣ карда мешаванд.