Хати истеҳсоли докаи тиббӣ (стерилизатсиянашуда) AF-L015

Ба ҳамаи мо маълум аст, ки имрӯз харидор пеш аз ҳама ба маҳсулоти босифат ниёз дорад. Аммо докаҳои тиббие, ки ҳоло дар кишвари мо истеҳсол мешаванд, дар таҷҳизоти оддии анъанавии истеҳсоли дока истеҳсол карда мешаванд ва сифати онҳо метавонад ба харидори имрӯза писанд наояд. Аввал дар ҳар кас метавонад савол пайдо шавад, ки оё ашёи хом барои ҳарду таҷҳизот гуногун аст. Албатта, барои ҳарду дока риштаи пахтагии якхела истифода мешавад. Бо мақсади паст кардани арзиши аслии докаи оддии тиббӣ баъзан докаҳои тайёршуда алоҳида сафед карда мешаванд, дар таҷҳизоте, ки мо ба Шумо тавсия медиҳем, бошад, аз ашёи хоми тайёри пешакӣ сафедкардашуда низ истеҳсол кардан мумкин аст. Ин имкон медиҳад, ки маҳсулоти истеҳсолшуда фавран бастабандӣ шавад ва сифати баланди он нигоҳ дошта шавад.

Ин таҷҳизот барои аз риштаҳои ғалтакҳои сершумор ташкил додани қаторҳои уфуқии барои таҷҳизоти бофандагии мо зарурӣ ва печондани онҳо ба бобина хизмат мекунад. Ашёи хом дар кишвар истеҳсол мешавад ва вобаста ба сифаташ аз 2,3$ то 3$ арзиш дорад. Ба мизоҷон маслиҳат медиҳем, ки бобинаҳои алюминиро иловатан харидорӣ кунанд, зеро дар раванди кор онҳо ба Шумо бисёр ба кор меоянд. Як адад таҷҳизоте, ки дар поён ба Шумо пешниҳод мекунем, метавонад барои 4-5 таҷҳизоти бофандагӣ риштаҳои бобинадор тайёр кунад.

Ин таҷҳизот метавонад дар як вақт ду қатор (агар бари маҳсулот то 10 см бошад, 4 қатор) бофад. Дар таҷҳизот муҳаррикҳои махсуси инвертордор истифода шудаанд, ки дар раванди кор суръати бофандагиро ба таври худкор назорат мекунанд. Дар қисми қафои таҷҳизот қисми махсуси нигоҳдории бобина мавҷуд аст, ки риштаҳоро ба докаи бофташаванда баробар мерасонад. Дар омади гап, бо ёрии ин таҷҳизот бинтҳои эластикиро низ бофтан мумкин аст, танҳо таҷҳизоти якумро ба модели дигар иваз кардан лозим аст.

Дар бораи ин таҷҳизот зиёд таваққуф кардан намехоҳем. Зеро кори ин таҷҳизот фаҳмо ва равшан аст. Ин таҷҳизот ба Шумо печҳои хурди ҳаҷми зарурӣ тайёр мекунад. Азбаски таҷҳизот нисбатан содда сохта шудааст, истифодаи он тамоман душвор нест. Муҳаррике, ки бо ёрии педали махсус ба ҳаракат меояд, кори асосиро иҷро мекунад. Ҳамин ки пойро аз педал бардоред, кор қатъ мегардад.

ТАҶҲИЗОТИ НИМАВТОМАТИИ БАСТАБАНДӢ

Раванди охиринро чун ҳамеша таҷҳизоти бастабандӣ иҷро мекунад. Мо бо назардошти буҷаи бисёре аз соҳибкорон ба онҳо пешниҳод кардани таҷҳизоти нимавтоматии бастабандиро раво донистем. Агар Шумо зиёда аз 3 таҷҳизоти бофандагӣ харед, ба Шумо таҷҳизоти автоматии уфуқии бастабандӣ лозим мешавад. Барои таҷҳизоти нимавтоматии бастабандӣ ба Шумо тамғаи аз 3 тараф пӯшида ва танҳо аз як тараф кушода лозим аст. Санаи истеҳсолро низ бо ёрии таҷҳизоти бастабандӣ чоп кардан мумкин аст. Инчунин дар ҳолати зарурӣ дигар маҳсулотро низ бастабандӣ кардан мумкин аст. Дар ҳар гуна маҳсулот ташаккули таассуроти аввалини харидор муҳим аст, бинобар ин ба тарҳи бастаи маҳсулоти истеҳсолкардаи худ диққати махсус диҳед.

Бо ёрии таҷҳизоти зикршуда Шумо метавонед тиҷорати худро оғоз кунед. Дар ин ҷода мо ҳеҷ гуна кӯмакро аз Шумо дареғ намедорем. Ҷойҳои арзони ашёи хом низ танҳо дар назди мо!