Медициналық дәке өндіру желісі (стерильденбеген) AF-L015

Бәрімізге белгілі, қазіргі таңда сатып алушыға ең алдымен сапалы өнім қажет. Алайда қазір бізде өндіріліп жатқан медициналық дәкелер қарапайым дәстүрлі дәке өндіру жабдықтарында шығарылады және олардың сапасы қазіргі заман сатып алушысына ұнамауы мүмкін. Алдымен әр адамда екі жабдыққа арналған шикізат әртүрлі ме деген сұрақ туындауы мүмкін. Әрине, екі дәке үшін де бірдей мақта жіп қолданылады. Қарапайым медициналық дәкенің өзіндік құнын төмендету мақсатында кейде дайындалған дәкелер бөлек ағартудан өткізіледі, ал біз Сізге ұсынатын жабдықта алдын ала ағартылған дайын шикізаттан да жасауға болады. Бұл өндірілген өнімді бірден қаптауға мүмкіндік береді және оның жоғары сапасының сақталуын қамтамасыз етеді.

Бұл жабдық көптеген катушкалардағы жіптерден біздің тоқу жабдығымызға қажетті көлденең қатарларды түзіп, бобинаға орап беруге қызмет етеді. Шикізат елімізде өндіріледі және сапасына қарай 2,3$-дан 3$-ға дейін тұрады. Клиенттерге алюминий бобиналарды қосымша сатып алуға кеңес береміз, себебі жұмыс барысында олар Сізге көп көмектеседі. Төменде Сізге ұсынатын жабдықтың бір данасы 4-5 тоқу жабдығы үшін бобиналы жіптер дайындап бере алады.

Бұл жабдық бір мезгілде екі қатар (егер өнім ені 10 см-ге дейін болса, 4 қатар) тоқи алады. Жабдықта арнайы инверторлы қозғалтқыштар қолданылған, олар жұмыс барысында тоқу жылдамдығын автоматты түрде бақылайды. Жабдықтың артқы бөлігінде бобина тұратын арнайы бөлік бар, ол тоқылатын дәкеге жіптерді біркелкі жеткізіп отырады. Айтпақшы, бұл жабдық көмегімен эластикалық бинттерді де тоқуға болады, тек бірінші жабдықты басқа модельге ауыстыру қажет.

Бұл жабдық туралы көп тоқталғымыз келмейді. Себебі бұл жабдықтың жұмысы түсінікті әрі анық. Бұл жабдық Сізге қажетті көлемде шағын орам жасап береді. Жабдық біршама қарапайым жасалғандықтан, оны пайдалану мүлде қиын емес. Арнайы педаль арқылы қозғалысқа келетін қозғалтқыш негізгі жұмысты атқарады. Аяғыңызды педальдан алысымен жұмыс тоқтайды.

ЖАРТЫЛАЙ АВТОМАТТЫ ҚАПТАУ ЖАБДЫҒЫ

Соңғы процесті әдеттегідей қаптау жабдығы орындайды. Біз көптеген кәсіпкерлердің бюджетін ескере отырып, оларға жартылай автоматты қаптау жабдығын ұсынуды жөн көрдік. Егер Сіз тоқу жабдығын 3-тен артық алатын болсаңыз, Сізге автоматты көлденең қаптау жабдығы қажет болады. Жартылай автоматты қаптау жабдығы үшін Сізге 3 жағы жабық күйде дайындалған, тек бір жағы ашық затбелгі қажет болады. Өндірілген күнін де қаптау жабдығы көмегімен басып шығару мүмкіндігі бар. Сондай-ақ қажет болған жағдайда басқа өнімдерді де қаптауға болады. Кез келген өнімде сатып алушының алғашқы әсерін қалыптастыру маңызды, сондықтан өзіңіз өндірген өнімнің қаптама дизайнына ерекше назар аударыңыз.

Аталған жабдықтар көмегімен Сіз өз бизнесіңізді бастай аласыз. Бұл ретте Сізге кез келген көмегімізді аямаймыз. Шикізаттың арзан көздері де тек бізде!