Тоқыма бұйымдар (джемпер, пальто, балалар киімдері және т.б.) өндіру желісі AF-L023

Сіз өз аймағыңызда мыналарды зерттеуіңіз керек:

• Аймақта қай жастағы тұрғындардың киімдеріне сұраныс жоғары;
• Қай маусымға арналған киімдердің саудасы жақсы дамыған;
• Сіз тауар шығарғыңыз келетін аймақ тұрғындарының орташа сатып алу қабілетінің сомасы қандай?;
• Қай жыныс өкілдерінің киімдерінің нарығы жанды?;
• Негізінен қай бағыттағы киімдерге сұраныс бар (спорттық, классикалық, үй киімдері және т.б.)
• Сіздің бағытыңызға қатысты киімдер негізінен қай аймақта өндірілуде, ал егер импорттық өнім болса, оны да белгілеп қойыңыз;
• Сұранысқа ие тауарларды суретке түсіріп, оларды таразыда өлшеп көріңіз, өйткені Сізге оның өлшемі емес, салмағы маңызды.

Жоғарыда келтірілген сұрақтарға жауап беру барысында Сіз өз бизнесіңіз үшін нарықты талдаған боласыз. Әр салада талдау жақсы нәтиже береді, өйткені Сіз қандай өнімнен қанша өндіру керектігі туралы нақты түсінікке ие боласыз және бастапқы шығындар мен табыстарыңызды шамалап көруге мүмкіндік болады. Ал енді Сіздерге жабдық туралы ақпарат берейік. Сізге мынаны бастан кеңес бергенді жөн көрдік. Жабдық дайындайтын өнімдер қалыңдығына қарай түрлі (5G-16G) класстарға бөлінеді. Класстар реті тоқыма жабдығы қабылдайтын жіптердің өлшеміне қарай құрылған. Мұнда 7-класқа жататын жабдық ең қалың өнімдерді, яғни қалың жіптен шығарады. Егер Сізге көктем мезгілінде киілетін киімдерге арналған жабдық қажет болса, 12-14 класқа жататын жабдықты сатып алғаныңыз жөн. Айта кету керек, бір жабдық сатып алып, әртүрлі қалыңдықтағы өнімдер шығара аламын деп ойлау қате. Сонымен қатар, жабдық шығаратын өніміңіздің дизайны мен тоқу әдісінің күрделілігіне қарай 1;2;3;4 жүйелі түрлерге бөлінеді. Елімізде 1 және 2 жүйелі түрлері кең таралуда. 3 жүйелісі сәл күрделі және соған сәйкес баяуырақ тоқитындықтан, қазір елімізде бұл түріне сұраныс аздау. Біз Сіздерге 2 жүйелі түрінің техникалық көрсеткіштерін айтып өтеміз. Жабдық класстарынан өзіңізге ұнағанына тапсырыс бере аласыз. Сіздерге ыңғайлы болу үшін барлық класстарға тиесілі жабдықтарды бірдей бағамен сатамыз. Бұл жабдық бір мезгілде бір өнімнен 2 қатар етіп шығара алады.

Біз ұсынатын бұл желіде негізгі жұмысты тоқыма жабдығы атқарады. Өнім үшін алдымен дизайн енгізіледі. Егер Сіз таңдаған дизайн жабдық жадында болмаса, оны арнайы бағдарлама көмегімен сызу қажет болады. Дизайн сызу қызметі де бізде бар, бір орташа күрделі киім үшін 50-70$ құрайды. Жабдықтың басқару панелін өте түсінікті деп айтуға болмайды, сондықтан оны технолог көмегімен жақсылап үйреніп алуға кеңес береміз. Сізге ұсынатын ықшам желімізге 2 адам жеткілікті. Өнімге арналған жіптерді (Түркия, Қытай) табуда біздің компаниямыз Сіздерге толық қызмет көрсетеді. Жіптер сапасы мен құрамына қарай шамамен 3-5$/кг.

Тоқыма жабдығы кез келген түрдегі дизайндарды қабылдауға бейімделген, бірақ егер дизайныңызда түстер саны көп болса, бұл жылдамдықтың айтарлықтай төмендеуіне әкеледі. Жоғарыдағы техникалық параметрлері бар жабдықтың көмегімен Сіз бір тәулікте 35-50 дана дайын өнім өндіре аласыз. Жабдық арқылы Сіз тоқу процесінде жіптер көмегімен әртүрлі өрнектер мен жазуларды түсіру мүмкіндігіне ие боласыз. Егер Сізде жеткілікті қаражат болса, онда көбірек жабдықпен жұмыс бастаған жөн. Себебі Сіз ұсынатын өнім түрлері көбірек болады және нарыққа тезірек кіресіз.

ЖАҒА БӨЛІГІН ЖАЛҒАЙТЫН ЖАБДЫҚ

Бұл бөлік жартылай фабрикатқа, яғни тоқылған өнімімізге бөлек тоқылған жаға бөлігін негізгі бөлікке жалғау үшін қызмет етеді. Негізінен дөңгелек пішінді бөліктер үшін пайдалану орынды.

ТІГІСТЕРГЕ АРНАЛҒАН АРНАЙЫ ОВЕРЛОК

Оверлок жабдығы біздің тоқылған өнімдерімізді бір-біріне жалғау үшін қызмет етеді. Бұл жұмысты арнайы оверлок арқылы жасауға кеңес береміз, себебі сапа жоғары болуы және тігістер денеге батпайтындай болуы тиіс. Өздеріңізге белгілі, жұмыс барысында тоқылған өнім бөлек бөліктерге бөлініп тоқылады. Мысалы, жең бөлігі, жаға бөлігі, арқа және алдыңғы бөліктерге бөлінеді. Бұл жағдайда бөліктер біріктіріліп, тұтас өнім күйіне келтіріледі.

Жабдық, дизайндар, технолог қызметтері бойынша бізбен еркін хабарласа аласыз.