Кеспе, лағман өндіру желісі

1. ҚАМЫР ДАЙЫНДАЙТЫН МИКСЕР

Жұмысты бастау үшін алдымен қажетті мөлшерде ұн, шамамен 20% крахмал және аздап су қажет болады. Өнімдер миксерге салынғаннан кейін олар ұсақ түйіршік пішініне келгенше араластырылады. Миксер арнайы тот баспайтын болаттан жасалған және пайдалану едәуір оңай. Миксерді бөлменің кез келген жеріне еркін ауыстыру үшін арнайы дөңгелектер орнатылған.

2. КЕСПЕ, ЛАҒМАН ШЫҒАРАТЫН ЖАБДЫҚ

Жабдыққа ені 250 мм болатын 6 білік орнатылған, олар 3 қатар етіп орналастырылған. Жабдық S304 тот баспайтын болаттан жасалған және адам денсаулығына қауіп төндірмейді. Жабдықтың көмегімен тапсырыс берушінің қалауы бойынша лағманның қалыңдығын өзгертуге болады, ол үшін біліктер арасын тарылту немесе кеңейту қажет. Жабдық едәуір жылдам жұмыс істейді және сағатына 150 кг-ға дейін өнім шығаруға мүмкіндік береді. Тапсырыс берушілеріміздің талабына сәйкес жабдықты қосымша 2 түрлі қалыппен ұсынамыз. Сонымен қатар үлкен асханаларда да өндіріс ыңғайлы болуы үшін жабдыққа арнайы таспа орнатылды. Бұл өнімді қажетті өлшемде кесіп береді. Қажетті өлшемде кесілген өнімдерді кептіруге немесе кептірмей бірден пісіруге болады.

3. КЕСПЕ КЕПТІРЕТІН ШКАФ

Кеспені шығарғаннан кейін оны ұзақ сақтау үшін жақсылап кептіру қажет. Кептіру шкафын сатып алушының талабына қарай қосымша ақы төлеу арқылы үлкенірек модельдерге ауыстырып беруге болады. Кейбір сатып алушылар кептірілген емес, керісінше мұздатылған лағманды ұнатады. Мұндай жағдайда Сіздерге шоктық мұздатқыш алуды ұсынамыз.

Жоғарыда Сізге ұсынған жабдығымыздың бірқатар артықшылықтары бар және қазіргі уақытта ең сұранысқа ие өнімдерді шығарады. Бұл бизнес көп орынды қажет етпейді, өндіріске қажетті шикізат біздің елде бар, ең бастысы — шығарылатын өнімнің сатып алушылары көп.