Жұмсақ балмұздақ өндіру жабдығы AF-B004

Енді біз Сізден жоғарыда келтірілген тармақтардың соңғысына назар аударуыңызды сұраймыз, яғни Сіз ұсынған өнім жақын маңда болмауы керек. Мұны қалай жүзеге асырамыз деген сұраққа біз жауап береміз. Біз Сіздерге төменде ұсынып отырған жұмсақ балмұздақ фризері дәл сауда нүктелері үшін жасалған және тұтынушылар көп жиналатын нүктелерде жұмыс істеуге бейімделген. Егер Сіз қазір балмұздақ бизнесінде болсаңыз, онда пайдаланып жүрген балмұздақ жабдығыңызды жаңасына ауыстыру уақыты келді. AFEX бренді атымен арнайы тапсырыспен жасалған бұл жабдық Сіздерге қандай тұстарымен ұнайтынын санап өтеміз.

1. Жабдық Pre-cooling жүйесімен қамтамасыз етілген. Бұл жүйе сүтті қоспа бөлімін салқындатуға мүмкіндік береді. Жүйе мінсіз жұмыс істеуі үшін оған жеке Embraco компрессорын орнаттық, және Сіз жабдықты түнгі режимде де қоспамен қалдыра аласыз. Біздің елімізде шілдеде ыстық шамамен +50c-ге дейін жетеді, мұндай жағдайда Сіз қаламаған күйде сүт бөліміндегі сүттің бұзылу ықтималдығы өте жоғары. Ал біздің жабдықпен бұған қажеттілік жоқ
2. Жабдығымыз пайдалануға ыңғайлы PLC басқару жүйесі арқылы жұмыс істейді. Ескірген аналогты басқару жүйесінен бас тартатын уақыт келді. Жүйе арқылы Сіз қоспаның дайындық күйін, кернеу деңгейін. салқындату температурасын, цилиндр ішіндегі қалдық қоспа мөлшерін біліп отыру мүмкіндігіне иесіз.
3. AIR-PUMP жүйесі. Бұл жүйе көпшілікке бейтаныс болуы мүмкін, себебі қазіргі уақытта елімізде тек CARPIGIANI бренді атымен Еуропада өндірілген балмұздақ жабдықтарының ең соңғы модельдерінде ғана қолданылып жүрген бұл жүйе Сізге қандай ыңғайлылық береді? Бұл бөліктің пайдалы жағы — цилиндр ішінде дайындалған балмұздақты ауамен араластырып шығарады. Бұл кезде, біріншіден, мұз кристалдары қалыпты ериді және өніміңіз жарқынырақ көрінеді. Өнімді жеген адамда балмұздақ жұмсақ әрі жылырақ сияқты әсер қалдырады. Сонымен қатар қоспаға ауа араласқаннан кейін оның көлемі айтарлықтай артады. Мысалы, Сіз 1 литр қоспадан 20 жұмсақ балмұздақ шығарсаңыз, AIR PUMP жүйесі арқылы бұл көрсеткіш 25-26 данаға жетеді.
4. 3 түрлі сүт сақтау бөлімшесі және 5 құю нүктесі бар, онда Сіз 3 түрлі түсті пайдаланып, 5 түрлі көріністегі өнім шығара аласыз.
5. RAINBOW функциясы артық еңбек пен уақытыңызды жұмсамай кемпірқосақ балмұздағын шығаруға мүмкіндік береді. Мұндай көріністегі балмұздақты қолмен жасау мүмкін емес. Жабдықта төменгі бөлім де бар, оны Сіз үстіне құйылатын әртүрлі шоколадты және жеміс сироптарымен толтырасыз. Ал жабдық RAINBOW функциясын таңдап шығарған балмұздақтың үстін керемет етіп безендіреді. Бұл жаңалық сатып алушыларыңызды таң қалдыратыны анық.
6. Жабдыққа арнайы тапсырыс арқылы TECUMSEH 3hp (АҚШ) компрессорларын орнаттық. Мұқият байқасаңыз, елімізде пайдаланылып жүрген ең жақсы қытайлық фризерлерде де 2hp компрессор қолданылады. Біз бәсекелестерімізді өз фризер жабдығымызбен жылдам салқындату және электр үнемділігі бойынша қорықпастан жарысқа шақыра аламыз.
7. Жабдықтың алдыңғы, артқы және бүйір жақтары толығымен тот баспайтын металдан жасалған, ол Сізге ұзақ уақыт қызмет етеді.

Толығырақ ақпаратты төмендегі суретті инфографика арқылы түсінуге болады. Біз жабдығымыздың ішкі бөлігінде қандай брендтік өнімдер қолданылғанын көрсетіп өткіміз келеді.

Tecumseh және Embraco брендтері біздің жабдығымызда бір мақсатқа біріккен.

Төменде Сізде жақсырақ түсінік болуы үшін шығара алатын өнімдеріңіздің кейбірін бір суретке жинадық. Бұдан да жақсырақ және басқа көріністегі балмұздақтар шығаруға болады, бәрі Сіздің шығармашылығыңызға байланысты.

Төмендегі бейнеде үстіне құйылатын сироптарға арналған бөлімше көрсетілген. Дәл осы бөліктен арнайы сорғы арқылы сорылып алынып, балмұздақтың үстіне құйылады.