Таҷҳизоти истеҳсоли мех AF-L011

Соҳибкороне, ки мехоҳанд аз тиҷорати истеҳсоли мех даромади бештар ба даст оранд, сими диаметраш 5,5 мм харида, онро то диаметри зарурии худ мекашанд. Дар ин раванд массаи сим зиёд ё кам намешавад. Дар ин хат Шумо метавонед аз фурӯши симҳои диаметрашон гуногун низ даромад гиред, зеро байни нархи сими ғафс ва сими борик фарқ вуҷуд дорад. Хати кашидани сим, ки мо ба Шумо тавсия медиҳем, симро аз 5,5 мм то 1,2 мм кашида метавонад. Кашидани сим дар ду марҳила анҷом дода мешавад, дар марҳилаи аввал то 2 мм кашида мешавад.

Симҳое, ки то 2 мм кашида шудаанд, ба кӯраи гармкунӣ гузошта шуда, дар ҳарорати 850 C 2-3 соат нигоҳ дошта мешаванд. Ин раванд барои баланд бардоштани қобилияти кашишхӯрии сим хизмат мекунад. Пас аз анҷоми ин раванд Шумо метавонед симро боз тавассути таҷҳизоти кашидани сим то диаметри 1,2 мм кашед.

Таҷҳизоти Tip roller нӯги симро барои таҷҳизоти кашидани сим омода мекунад, яъне нӯги онро ҳамвор карда, ба ҳолате меорад, ки дар барабан хуб чарх занад.

Таҷҳизоти кафшеркунии сим низ дар раванди кашидани сим иштирок мекунад. Ин таҷҳизот ҳангоми кам шудани сим дар ғелак онро бо роҳи кафшер ба нӯги сими ғелаки нав пайваст мекунад. Пас аз ин сим канда намешавад.

Ғалтакҳои тайёри сим ба таҷҳизоти истеҳсоли мех гузошта мешаванд. Вобаста ба он ки ба Шумо мехи кадом андоза лозим аст, Шумо метавонед таҷҳизоти истеҳсоли мехро интихоб кунед. Агар хоҳед, ки ҳамаи навъҳои мехро истеҳсол кунед, хариди таҷҳизоти дар поён тавсияшаванда ба мақсад мувофиқ аст.

Мехе, ки аз таҷҳизоти истеҳсоли мех мебарояд, хуб сайқал дода мешавад. Дар раванди сайқалдиҳӣ мехҳои Шумо дурахшон мегарданд ва пайдоиши саволҳои зиёдатӣ дар мизоҷон пешгирӣ карда мешавад. Инчунин дар раванди сайқалдиҳӣ камбудиҳое, ки ҳангоми истеҳсоли мех аз сабаби суръати корд ба вуҷуд омадаанд, яъне хуб кушода нашудани нӯги мех, бартараф карда мешаванд.

Дар натиҷаи кори мунтазами таҷҳизоти мех бо металл зарурати зуд-зуд тез кардани кордҳои дар он насбшуда ба миён меояд. Азбаски кордҳо шакли махсус доранд, тез кардани онҳо бо ёрии чархи махсус тавсия дода мешавад.

Бо ёрии хати дар боло тавсияшаванда Шумо имкон пайдо мекунед, ки мех ва симҳои ҳар гуна андозаро истеҳсол кунед. Бо дарки он ки истеҳсоли мех соҳаи сердаромад аст, мо ба Шумо дар ёфтани технологи баландихтисос ва симҳои ашёи хоми барои истеҳсол зарурӣ кумак мерасонем. Албатта, барои хариди хати дар боло зикршуда баъзе соҳибкорони мо метавонанд маблағи ибтидоии кофӣ надошта бошанд; дар чунин ҳолатҳо ба Шумо харидани таҷҳизоти истеҳсоли мех, таҷҳизоти сайқалдиҳӣ ва чархи тезкуниро маслиҳат медиҳем. Симҳои диаметри барои Шумо заруриро бошад, мо ӯҳдадор мешавем, ки аз ҷойҳое, ки ин хатро пурра фурӯхтаем, бо нархҳои арзон тавассути бастани шартнома таъмин намоем.

Барои хати дар боло зикршуда харидор бояд талаботи зеринро иҷро намояд:

• Ҷои пӯшида на камтар аз 150 м2
• 2 нафар коргар
• Шчити шабакавӣ бо шиддати 380 В 50 Гц, ки дар дохили бино ҷойгир аст
• Дигар талаботи хурде, ки муҳандис-технолог пешниҳод мекунад

Видеоролик дар бораи хати хурд