Таҷҳизоти истеҳсоли исфанҷи ошхона

Мо барои муштариёни "AFEX-GROUP" тавсия додани тиҷоратҳои даромаднок ва технологияҳои баландсифати истеҳсолиро идома медиҳем! Тиҷорати истеҳсоли исфанҷҳои ошхона яке аз тиҷоратҳоест, ки талаботи доимии бозорро қонеъ мегардонад. Имрӯз дар истеҳсоли исфанҷҳои ошхона маводи муосиртарини дорои дараҷаи баланди корамалӣ истифода мешаванд. Гуногунии исфанҷҳо ба категорияҳо тақсим мешавад. Масалан: исфанҷҳои металлӣ барои тоза кардани хӯроки сӯхта. Исфанҷҳои нарми нахдори кафкҳосилкунанда барои тоза кардани зарфҳои шишагӣ, мебел, плиткаҳо, печкаҳо ва дигар навъҳои зарфҳо. Исфанҷҳои кафкҳосилкунанда низ навъҳои гуногун доранд. Дар мағозаҳо ва бозорҳо Шумо навъҳои исфанҷҳои кафкҳосилкунандаи поролонӣ ва нахи синтетикиро вомехӯред, ки аз рӯи тарҳи зоҳирӣ низ фарқ мекунанд.

Тайёр кардани исфанҷи ошхона – раванди марҳилавӣ ва аз ҷиҳати технологӣ на он қадар мураккаб аст. Шумо ин маҳсулотро дар шароити хонагӣ ҳам истеҳсол карда метавонед. Ҷузъҳои асосӣ – нахи синтетикии абразивии ғафсии лозимӣ ва поролони майда ё калонкафк мебошанд. Дар маҳсулоте, ки мо ба Шумо тавсия медиҳем, поролон ҳангоми тамос бо воситаи тозакунӣ кафк мебарорад ва нахҳои абразивӣ тоза мекунанд. Ин самараноктарин роҳи тоза кардани зарфҳо ба ҳисоб меравад. Дар ҳаёти ҳаррӯза ҳангоми харидани ин маҳсулот мо ба сифати он чандон диққат намедиҳем. Босифат будани маҳсулот вақти Шуморо сарфа мекунад ва исрофи обро кам мекунад. Барои истеҳсоли маҳсулоти босифат мо ба Шумо технологияҳои истеҳсоли исфанҷҳои нахи синтетикиро пешниҳод мекунем, ки дараҷаи баланди корамалӣ ва тарҳи зоҳирии зебо доранд. Биёед бо технологияҳои истеҳсоли маҳсулот шинос шавем.

Таҷҳизоти ба мо лозим.

1) Мошини бофтани матои нейлонӣ. 2) Таҷҳизоти ба мато ҷойгир кардани поролон. 3) Таҷҳизоти буриши ултрасадоӣ. 4) Компрессори ҳаво

1) Мошини бофтани матои нейлонӣ.

Бо ёрии ин мошин Шумо метавонед нахҳои абразивии симӣ ва синтетикӣ бофед. Ба мато ороишҳо ва гулҳои нақшини гуногун бофтан мумкин аст. Ин мошини бофандагӣ имкон дорад дар як соат 17-20 метр матои тайёр бофад. Диаметри матои бофташуда 102мм-ро ташкил медиҳад. Барои истеҳсоли доимии исфанҷҳо мошин дараҷаи баланди автоматикунонӣ дорад, бо экрани сенсорӣ идора карда мешавад, 10 навъ формулаи бофтани матоъҳоро нигоҳ медорад ва формуларо дар ҳар вақт танзим кардан мумкин аст. ⚠️Эзоҳ: Бо мақсади зиёд кардани ҳаҷми истеҳсол Шумо метавонед мошинҳои иловагии бофандагӣ харед. Ин ба иқтидори истеҳсолии дигар таҷҳизот ҳеҷ халал намерасонад. Матоъҳои бо ёрии мошини бофандагӣ тайёршударо ба таҷҳизоти навбатӣ мефиристем.

2) Таҷҳизоти ба мато ҷойгир кардани поролон.

Ба мато ҷойгир кардани поролон – ин марҳила бо ёрии таҷҳизоте иҷро мешавад, ки нисбат ба меҳнати дастӣ аз ҷиҳати технологӣ мураккаб нест, вале самаранокии баланд дорад. Таҷҳизот поролонҳои бо андоза буридашударо ба дохили мато ҷойгир мекунад. ⚠️Эзоҳ: Ин таҷҳизот ба механизми кори пневматикӣ асос ёфтааст, яъне бо ёрии компрессор кор мекунад. Навъҳои барқии ин таҷҳизот низ мавҷуданд; агар Шумо хоҳед навъи барқиашро харед, он дар навбати худ аз маблағи умумии нишондодашуда 1000$ арзонтар аст. Маҳсулоти нимтайёри бо ёрии таҷҳизот тайёршударо ба таҷҳизоти навбатӣ мефиристем.

3) Таҷҳизоти буриши ултрасадоӣ.

Таҷҳизот исфанҷҳоро ба таври автоматӣ бо андозаҳо кафшер карда, сипас мебурад. Бо ёрии системаи идоракунии компютерӣ Шумо метавонед маҳсулотро бо андозаҳои лозимӣ истеҳсол кунед. Маҳсулоти тайёрро дар маҷмӯаҳои то 3-5 дона, бо бандҳое, ки номи корхонаи Шуморо доранд, ба растаҳои бозор ва мағозаҳо барои фурӯш баровардан мумкин аст.

4) Компрессори ҳаво.

Компрессори ҳаво – дастгоҳи ёрирасон барои таҷҳизоти ба мато ҷойгир кардани поролон ва таҷҳизоти буриши ултрасадоӣ мебошад.