Таҷҳизоти барқарорсозии блокҳои муҳаррики мошинҳои сабукрав ва боркаш AF-B005

Тавре ки аз омори хурди дар боло овардашуда низ дида мешавад, имрӯз кӯчаҳои мо аз автомобилҳо пур шуда истодаанд. Дар ин замина шумораи нуқтаҳои хизматрасонии техникӣ ба онҳо низ рӯз то рӯз меафзояд ва талабот ба он низ хеле баланд аст. Хоҳем ё нахоҳем, бо гузашти вақт дар муҳаррик, ки дили автомобилҳои мо ҳисоб мешавад, носозиҳои техникӣ ба назар мерасанд. Албатта, азбаски ин қисм яке аз қисмҳои гаронтарин аст, на ҳама имконияти бо нав иваз кардани онро доранд. Ширкати мо AFEX-GROUP дар ташкили хизматрасонии сердаромад дониш ва таҷрибаи худро аз Шумо дареғ намедорад. Биёед ҳоло Шуморо бо таҷҳизоте шинос кунем, ки барои таъмири блоки муҳаррики мошинҳои сабукрав ва боркашҳои хурд заруранд. Имрӯз тасаввуроти норавшане вуҷуд дорад, ки ин сервиси камтар паҳншуда ва ба назари бисёриҳо аз таҷҳизоти мураккаб ва гарон иборат аст. Сабаби ин пӯшида анҷом додани хизматрасонӣ ва то ҳадди имкон аз мизоҷ пинҳон доштани он аст, ки кор чӣ гуна иҷро шудааст. Албатта, чунин усулро сирри тиҷоратӣ номидан мумкин аст. Ҳоло мо ин сирро ба Шумо ошкор мекунем.

Пеш аз ҳама, вақте ки муҳаррики автомобил ба ҳолати таъмир мерасад, омиле, ки сабаби он шудааст, муайян карда мешавад. Сабабҳо гуногун буда метавонанд: тай кардани масофаи барои автомобил муқарраршуда, истифодаи равғани бесифат, сари вақт аз муоинаи техникӣ нагузаштан, сӯзишвории бесифат ва ғайра. Ҳангоми нигоҳ кардан ба блок, мо силиндрҳои онро мебинем, силиндрҳо бошанд ҳаракати баробари поршенҳоро таъмин мекунанд. Бо гузашти вақт дар силиндри блоки мо дуда ва қисмҳои сахт пайдо мешаванд ва дар натиҷа ҳаракати поршенҳо суст мешавад. Худ аз худ сарфи равған меафзояд, ба суръати зарурӣ баромада наметавонед, садо дар мошин зиёд мешавад ва сарфи сӯзишворӣ низ меафзояд. Дар баъзе ҳолатҳо автомобил метавонад то дараҷаи аз ҳаракат мондан расад. Дар чунин вазъият Шумо маҷбур мешавед ба маркази хуби хизматрасонӣ муроҷиат кунед. Биёед Шуморо бо таҷҳизоте, ки дар раванди хизматрасонӣ истифода мешаванд, як ба як шинос кунам.

Пеш аз ҳама, қисмҳои эҳтиётӣ ё блоки муҳаррик пеш аз коркард бояд хуб тоза карда шаванд. Бисёриҳо гумон мекунанд, ки ин раванд дастӣ иҷро мешавад ва ин фикри нодуруст аст. Тоза кардан бо ёрии сигналҳои муосири ултрасадо хеле қулай буда, иҷрои босифати корро таъмин мекунад. Таҷҳизоти тозакуние, ки мо ба Шумо тавсия медиҳем, муосиртарин буда, бо мақсади сарфаи моеъ ва обе, ки дар шустушӯ истифода мешавад, филтрҳои тозакунӣ насб шудаанд. Филтрҳо таъмин мекунанд, ки маҳсулоти Шумо мувофиқи дилхоҳ тоза шавад ва воситаҳои шустушӯ сарфа гарданд. Таҷҳизот панели муосири идоракунии PLC дорад, ки дар он вақти шустушӯ, басомад, ҳарорат ва суръатро назорат кардан мумкин аст.

Пас аз он ки блок хуб тоза шуд, он барои тарошидани ибтидоии қисми дохилии силиндр ба ин таҷҳизот гузошта мешавад. Ба таҷҳизот вобаста ба диаметри силиндр қисми тарошанда насб карда мешавад. Ҳангоми дақиқ будани диаметр чуқурии тарошидан мутобиқ карда мешавад. Дар нишондиҳандаҳои техникии таҷҳизот Шумо метавонед маълумотро дар бораи чуқуриҳо ва диаметрҳои ҳадди ақал ва ҳадди аксар хонед. Таҷҳизот инчунин дар марҳилаи охирин иштирок мекунад, яъне барои сайқал додани сатҳи блок бо ёрии диски махсус хизмат мекунад. Азбаски таҷҳизот бо муҳаррики инвертордор ҳаракат мекунад, суръатро бо назардошти навъи металли муҳаррик ва ғафсии коркард тағйир додан мумкин аст. Истифодаи таҷҳизот хеле қулай аст, зеро пас аз ҷойгир кардани блоки муҳаррик Шумо метавонед онро бо ҳаракат додани мизи поёнӣ нисбат ба қисми амудии тарошанда баробар кунед.

ТАҶҲИЗОТИ АМУДИИ ХОНИНГ

Пас аз анҷоми кори тарошидани ибтидоии силиндрҳои блок, дар марҳилаи дуюм онҳо дар таҷҳизоти тарошидани ҳам теғдор ва ҳам чархдор коркард карда мешаванд. Дар ин марҳила дараҷаи ҳамвории қабати сатҳи дохилӣ ба ҳолати хеле дақиқ оварда мешавад. Барои осон будани кор дар чунин раванд, он бо ёрии равғани махсус анҷом дода мешавад. Вазифаи равған осон кардани коркарди қисми коркардшаванда ва хунук нигоҳ доштани он аст. Пас аз анҷоми раванди коркарди қисми дохилӣ бо таҷҳизоти хонинг, блок ба таҷҳизоти амудии тарошидани блок гузошта шуда, сатҳи қисми болоии блок дар диски махсус хуб сайқал дода мешавад.

Таҷҳизот асосан барои хонинги муҳаррикҳои автомобил, мотоситсикл, мошини боркаш ва тракторҳо, инчунин муҳаррикҳои V-шакл истифода мешавад.

1. Мосламаи мизи мошинро ба кунҷҳои 0°, 30° ва 45° ҷой иваз кардан мумкин аст.

2. Мизи мошин ба осонӣ дастӣ то масофаи 0-180 мм боло ва поён мешавад

3. Дараҷаи дақиқӣ 0,04 мм

4. Суръати ҳаракат ба боло ва поён 0-30 м/мин.

Фикр мекунем, ки бо роҳандозии ин тиҷорат Шумо ба афзоиши даромади худ ноил мешавед. Бо баланд шудани сатҳи зиндагии аҳолӣ шумораи автомобилҳо якбора меафзояд. Худ аз худ соҳаи хизматрасонӣ ба онҳо низ васеъ мешавад. Ҳозир маҳз вақти оғози ин тиҷорат аст, зеро то ҳол бозори мо аз чунин сервисҳо сер нашудааст ва ин метавонад барои Шумо имконияти хуб бошад.