Хати хурди истеҳсоли собун

Ҳамаи мо медонем, ки сол аз сол талабот ба маҳсулоти гигиенӣ афзоиш меёбад ва ҳеҷ гоҳ кам намешавад. Дар кишвари мо талабот ба собун хеле баланд аст. Аз ин рӯ, соҳибкорон тавассути ин тиҷорат метавонанд ба даромади баланд ноил шаванд. Барои ин AFEX-GROUP ба Шумо дар таъмини таҷҳизоти баландсифат кӯмак мерасонад. Бо ёрии хати истеҳсолие, ки ба Шумо пешниҳод мекунем, Шумо метавонед 2 навъи собун истеҳсол кунед: собуни хоҷагӣ (дар забони мардум «собуни ҷомашӯӣ») ва собуни атрдор. Таҷҳизот аз ҷониби заводи байналмилалии Ҷумҳурии Халқии Чин, ки солҳои зиёд дар ин соҳа фаъолият мекунад, истеҳсол шудааст. Биёед дар бораи хати истеҳсолӣ маълумоти муфассал гирем.

Маълумоти умумӣ

Ҳосилнокӣ: 50-100 кг/соат Шумораи коргарон: 1 нафар Майдони зарурӣ: 60 метри мураббаъ Иқтидори умумӣ: 4,75 кВт·соат

Маҷмӯи таҷҳизот

Ҳамин тавр, барои раванди истеҳсол маҷмӯи таҷҳизоти зерин лозим аст:

1. Миксер
2. Осиё-майдакунак
3. Плоддери вакуумӣ
4. Таҷҳизоти пресс
5. Таҷҳизоти буранда
6. Таҷҳизоти бастабандӣ

Раванди истеҳсол

Азбаски ин раванди истеҳсолии мо заводи хурд аст, майдон ва иқтидори калонро талаб намекунад. Равандҳо низ аз марҳилаҳои мураккаб иборат нестанд. Дар марҳилаи аввал миксер лозим мешавад.

Миксер

Дар марҳилаи аввал мо бояд ҳамаи ашёи хомро омехта карда, тайёр кунем. Он барои омехта кардани иловаҳои гуногун ва зарраҳои собун барои истеҳсоли собун истифода мешавад. Дар қисми поёнии таҷҳизот сӯрохии махсус мавҷуд аст. Вақте ки омехта тайёр мешавад, бо пахш кардани тугма онро ба таври автоматӣ ба таҷҳизоти майдакунак рехтан мумкин аст.

Майдакунак

Дар марҳилаи навбатӣ омехтаро хуб майда мекунем. Ба ин васила дар марҳилаҳои минбаъда омехта босифат пресс карда мешавад. (Равандҳои корро дар видеоҳои дар зер овардашуда дидан мумкин аст.)

Плоддери вакуумӣ

Таҷҳизоти асосӣ дар раванди истеҳсол — плоддер. Ба ин таҷҳизот омехтаи майдашуда андохта мешавад ва таҷҳизот ба таври автоматӣ собун истеҳсол мекунад.

Таҷҳизоти буранда

Собунеро, ки аз плоддер мебарояд, бояд бурида гирем. Таҷҳизот ба таври автоматӣ кор мекунад. Бо танзими вақти буриш андозаҳои собунро тағйир додан мумкин аст. Ба собунҳое, ки аз ин таҷҳизот мебароянд, тавассути қолабҳои тайёри мудаввар низ шакл додан мумкин аст.

Таҷҳизоти пресс

Бо иваз кардани қолабҳои ин таҷҳизот собунҳои байзавӣ-мудаввар ва дигар шаклҳоро истеҳсол кардан мумкин аст. Аз ҳама муҳим, тавассути таҷҳизот маҳсулоти боқимондаро дубора истифода бурдан мумкин аст. Ба ин васила ҳеҷ гуна партов ҳосил намешавад. Таҷҳизот метавонад дар як дақиқа қариб 50 собун истеҳсол кунад.

Таҷҳизоти бастабандӣ

Собунҳои мо, ки аз таҷҳизот мебароянд, дар ҳолати барои фурӯш тайёр ба конвейер меафтанд. Онҳоро аз конвейер гирифта, бастабандӣ карда фурӯхтан ҳам мумкин аст. Вобаста ба он ки чӣ гуна бастабандӣ кардан мехоҳед, мо метавонем таҷҳизоти гуногун пешниҳод кунем: ба пакетча, қуттича ё бастабандии дуқабатаи коғазӣ. Мо ба Шумо таҷҳизоти уфуқии бастабандиро пешниҳод мекунем.