Хати истеҳсоли зарфҳои пластикӣ

Мардуми мо аз қадим ба деҳқонӣ машғул буданд. Ҳоло ҳам яке аз соҳаҳои рушдёфтатарини кишвари мо, албатта, соҳаи кишоварзӣ мебошад. Мардуми заҳматкаши мо барои он ки дар хона бекор нанишинанд, дар ҳавлии худ низ ба боғдорӣ ва деҳқонӣ машғул мешаванд. Бо ёрии ин хати истеҳсолии мо маҳсулоте, ки ҳам дар хона ва ҳам дар сохтмон бисёр истифода мешавад — сатилҳоро истеҳсол кардан мумкин аст. Бо ёрии таҷҳизот Шумо на танҳо сатилҳо, балки бисёр навъҳои дигари маҳсулотро низ истеҳсол карда метавонед.

Дар ин ҷо бояд як маълумотро таъкид кунем. Ҳоло яке аз навъҳои сатил, ки дар байни мардуми мо хеле васеъ паҳн шуда истодааст, — ин "сатили панда" мебошад. Хусусияти хоси ин навъи сатилҳо дар он аст, ки онҳо хеле чандиранд. Ҳатто зери фишори баланд намешикананд. Пас аз хам шудан низ ба ҳолати аввалаи худ бармегарданд. Исботи инро аз акс ва видеоҳои зерин низ дида метавонед. Чунон ки дар боло мебинед, "Сатили панда" сифат ва устувории хеле баланд дорад. Бо ёрии таҷҳизоте, ки мо ба Шумо пешниҳод кардан мехоҳем, Шумо метавонед маҳз ҳамин гуна маҳсулот истеҳсол кунед. Бо ёрии як таҷҳизот Шумо метавонед маҳсулоти андозаҳои гуногун истеҳсол кунед. Барои ин танҳо иваз кардани қолиби таҷҳизот кифоя аст. Акнун бо маълумоти умумии хати истеҳсолӣ шинос мешавем.

Маълумоти умумӣ

1. Номи хати истеҳсолӣ: Хати истеҳсоли сатил
2. Ҳаҷми истеҳсол: 150 дона/соат
3. Иқтидори истеҳсолӣ: 65 кВт/соат
4. Ашёи хоми зарурӣ: HDPE/PP/PE
5. Майдони зарурӣ: 100 метри мураббаъ
6. Шумораи коргарон: 2 нафар
7. Шумораи қолибҳо: 1 дона

Акнун бо таҷҳизоти барои мо зарурӣ низ шинос мешавем.

Таҷҳизоти автомати термопласт

Таҷҳизоти асосии хати истеҳсолии мо — таҷҳизоти қолабгирии сатилҳо мебошад. Ба нархи ин таҷҳизот як қолиб дохил карда шудааст. Бо иваз кардани қолибҳои таҷҳизот Шумо метавонед маҳсулоти андоза ва шаклҳои дигарро истеҳсол кунед. Ҳангоми фармоиш додани таҷҳизот қолибҳо бо талаби харидор махсус сохта оварда мешаванд. Бо ёрии таҷҳизот Шумо метавонед дар як соат ба ҳисоби миёна 150 сатил истеҳсол кунед. Бо ёрии ҷадвали зерин Шумо метавонед бо нишондиҳандаҳои пурраи техникии таҷҳизот шинос шавед. Дар ҷадвали зерин бошад Шумо метавонед дар бораи қисмҳои таҷҳизот маълумот гиред:

Таҷҳизоти автоматии боркунии вакуумӣ

Ин таҷҳизоти мо суръат ва ҳосилнокии раванди корро баланд мебардорад. Бо ёрии таҷҳизот Шумо метавонед ҷараёни корро автоматӣ кунед. Ин таҷҳизот ашёи хоми тайёрро ба таҷҳизоти экструдер (қолабгирӣ) мерасонад, яъне коргари алоҳида барои андохтани ашёи хом зарур нест. 

Бункери хушккунӣ

Акнун навбат ба таҷҳизоти бункери гудохтан расид. Вазифаи ин таҷҳизот хушк ва гудохта кардани ашёи хом ва расонидани он ба таҷҳизоти асосӣ мебошад.

Миксер

  Таҷҳизоти миксер барои илова кардани ранг ба ашёи хоме, ки барои сатилҳои мо истифода мешавад, истифода бурда мешавад.

Таҷҳизоти майдакунӣ

Мисли ҳар кор, ҳангоми истеҳсоли сатил низ аз ашёи хом партовҳои зиёдатӣ ҳосил мешаванд. Таҷҳизот ҳамин партовҳоро майда карда, барои истифодаи такрорӣ омода мекунад.

Чиллер

Таҷҳизот, албатта, ҳангоми кор гарм мешавад ва барои хунук кардани он оби хунук ва ҳаво лозим аст. Вазифаи асосии чиллер низ пешгирии аз ҳад гарм шудани таҷҳизоти қолабгирӣ мебошад. Хати истеҳсолии мо аз ҳамин ҳамаи таҷҳизот иборат аст. Дар видеоролики зерин таҷҳизоти қолабгирӣ нишон дода шудааст.