Хати истеҳсоли угро ва лағмон

1. МИКСЕРИ ТАЙЁР КАРДАНИ ХАМИР

Барои оғози кор пеш аз ҳама миқдори зарурии орд, тақрибан 20% крахмал ва каме об лозим аст. Пас аз ба миксер андохтани маҳсулот, онҳо то ба шакли гранулаҳои майда омаданашон омехта карда мешаванд. Миксер аз пӯлоди махсуси зангногир сохта шудааст ва истифодаи он хеле осон аст. Барои озодона ҷойиваз кардани миксер дар ҳар гӯшаи утоқ чархчаҳои махсус насб шудаанд.

2. ТАҶҲИЗОТИ ИСТЕҲСОЛИ УГРО ВА ЛАҒМОН

Ба таҷҳизот 6 вали бараш 250 мм насб шудааст, ки дар 3 қатор ҷойгир карда шудаанд. Таҷҳизот аз пӯлоди зангногири S304 сохта шудааст ва ба саломатии инсон хатар надорад. Бо ёрии таҷҳизот мувофиқи хоҳиши мизоҷ ғафсии лағмонро тағйир додан мумкин аст ва барои ин фосилаи байни валҳоро кам ё зиёд кардан лозим аст. Таҷҳизот хеле тез кор мекунад ва имкон медиҳад, ки дар як соат то 150 кг маҳсулот истеҳсол карда шавад. Мо бо назардошти талаботи мизоҷон таҷҳизотро бо 2 навъи қолаби иловагӣ пешниҳод мекунем. Ғайр аз ин, барои қулай будани истеҳсол дар ошхонаҳои калон ба таҷҳизот тасмаи махсус насб карда шуд. Ин маҳсулотро бо андозаи зарурӣ мебурад. Маҳсулоти бо андозаи зарурӣ буридашударо хушк кардан ё бе хушк кардан дарҳол пухтан мумкин аст.

3. ҶЕВОНИ ХУШККУНИИ УГРО

Пас аз баровардани угро барои дароз нигоҳ доштани он хуб хушк кардан лозим аст. Ҷевони хушккуниро мувофиқи талаби харидор бо пардохти иловагӣ ба моделҳои калонтар иваз кардан мумкин аст. Баъзе харидорон на лағмони хушк, балки баръакс лағмони яхкардашударо дӯст медоранд. Дар чунин ҳолат ба Шумо харидани яхдони шокиро тавсия медиҳем.

Таҷҳизоте, ки дар боло ба Шумо тавсия додем, як қатор бартариҳо дорад ва маҳсулоти аз ҳама серталабро истеҳсол мекунад. Ин тиҷорат ҷои зиёдро талаб намекунад, ашёи хоми барои истеҳсол зарурӣ дар кишвари мо мавҷуд аст ва аз ҳама муҳим — харидорони маҳсулоти истеҳсолшаванда зиёданд.