Tomchilab sug`orish shlanglarini ishlab chiqarish liniyasi

Mavjudligi:

Omborda qolmagan, buyurtma berish mumkin


Yurtimizda olib borilayotgan izchil islohotlar natijasi o`laroq har bir sohaga alohida e`tibor berilyapti. Misol qilib ta`lim-tarbiya, tibbiyot, oziq-ovqat va boshqa sohalarni keltirishimiz mumkin. Shunday sohalardan biri- bu albatta qishloq xo`jaligi.

Ushbu postda sizlarga taqdim etmoqchi bo`lgan liniyamiz ham qishloq xo`jaligi sohasida kundan kunga dolzarbligi oshib bormoqda. Chunki aholining tobora oshib borayotgan oziq-ovqatga bo`lgan talabini qondirish uchun ko`proq dehqonchilikka alohida e`tibor berilmoqda. Hech qanday shubha yo`qki, dehqonchilikda eng muhimi bu ekinlarga suv yetkazib berishdir. Shu o`rinda suvni tejash ham muhim ahamiyatga ega. Shuning uchun ham fermerlar tomchilab sug`orish usuliga o`tmoqdalar. Umid qilamizki, ushbu ishlab chiqarish liniyamiz orqali qishloq xo`jaligi sohasi rivojiga yetarli hissa qo`sha olasiz.

68,900$

Omborda qolmagan, buyurtma berish mumkin

Umumiy ma`lumotlar

  1. Shlang diametri: 12mm-20mm
  2. Shlang qalinligi: 0.6mm-1.0mm
  3. Teshiklar oralig`i: 200mm-1500mm
  4. Ishlab chiqarish tezligi: 40-45m/minut
  5. Teshik hosil qilish tezligi: 300ta/minut
  6. Shlang ruloni uzunligi: 500m-1000m
  7. Ishlash quvvati: 65KW
  8. Maksimal ekstruder sig`imi: 120kg
  9. Elektron boshqaruv tizimi: PLC
  10. Butun liniyaning og`irligi: 6000kg
  11. Liniya o`lchamlari: 25m*3,5m*2,4m(uzunligi*kengligi*balandligi)
  12. Kerakli maydon: 90 metr kvadrat
  13. Ishchilar soni: 2ta
  14. Xom-ashyo: PE va ranglar

Uskunalar ro`yxati

Asosiy

  1. Teshik qismini to`g`irlovchi uskuna va konveyr
  2. Ekstruder va qoliplar
  3. Vakuum uskuna
  4. Suv sovutish qismi
  5. Teshik hosil qiluvchi uskuna
  6. Yetkazib beruvchi uskuna
  7. Ikki aylanali o`rovchi uskuna

Ixtiyoriy

  1. Gidravlik filtr uskunasi
  2. Rangli chiziq ekstruderi
  3. Lazer printer
  4. Kamera boshqaruv tizimi
  5. Chiller
  6. Mikser
  7. Havo kompressori

Demak, bizga kerakli barcha ma`lumotlar va uskunalar ro`yxati bilan batafsil tanishib oldik. Ana endi, ishlab chiqarish jarayonini bosqichma-bosqich ko`rib chiqsak ham bo`ladi.

Birinchi bosqichda teshikchalar uchun yopqich uskunani ishlatamiz

Yuqoridagi suratda ko`rishingiz mumkinki, yashil lentali konveyr oldindan tayyorlab qo`yilgan qismchlarni qozonchaga tashlab bermoqda. Ushbu qismlar qozoncha ichida keyingi uskunaga yetib borish uchun to`g`irlandi. Qisqa qilib aytganda ushbu teshik qismchalari ekstruder ichida shakl oladigan shlanglar ustiga qoplanadi.

Ikkinchi bosqichda ekstuder shlanglarga forma beradi

Ushbu ishlab chiqarish liniyasining eng asosiy uskunasi bu, albatta, ekstruder va qoliplardir. Avvalambor, uskuna xom-ashyoni eritadi. Keyin esa qoliplar yordamida talab qilingan qalinlikdagi va diametrdagi shlanglarni chiqaradi(texnik parametrlarni LCD ekran yordamida sozlash mumkin).

Oldin aytib o`tilganidek, xom-ashyoni eritishimiz kerak. Buning uchun bizga yuqoridagi uskuna kerak bo`ladi. Uskuna xom-ashyoni eritadi va erigan xom-ashyo pastki qismidan keyingi uskunaga yo`l oladi.

Erigan xom-ashyomiz ushbu qolip ichida kerakli o`lchamlarda formalanib chiqadi. Uskuna ichida teshik yopqichi ham o`rnatib chiqiladi. Qolipdan shakl olib chiqqan shlanglar o`sha zahotiyoq suv yordamida sovutiladi.

Uchinchi bosqichda shakl olgan shlanglarimiz vakuum uskunaga yo`l oladi

Qisqacha aytib o`tadigan bo`lsak, vakuum uskunani ishlatishdan asosiy maqsad-qolipdan chiqqan shlanglarning diametri o`zgarib ketmasligi. Chunki ekstruder va qolipdan keyin shlanglar qaynoq holatda bo`ladi va shakli o`zgarib ketishi mumkin. Shu sababli ham vakuum uskunani ishlatamiz.

To`rtinchi bosqichda suv yordamida shlanglarni sovutamiz

 

To`rtinchi bosqichda shlanglarni suv yordamida yana bir bor sovutib olamiz. Bundan yagona maqsad faqat va faqat shlanglarimizni qattiq holatga keltirib, sifatini oshirishdan iborat.

Beshinchi bosqichda shlanglarda teshik hosil qolinadi

Navbat shlangning eng asosiy xususiyatiga keldi. Boshqa shlanglardan farq qiladigan xususiyati ham aynan teshiklar borligidir. Buning uchun bizga ikki tomondan teshik hosil qilib beruvchi uskuna kerak bo`ladi.

Oltinchi bosqichda mahsulot yetkazib beruvchi uskunaga o`tadi

Bu bosqichda tayyor holga kelgan shlangimiz o`rab beruvchi uskunaga yetkazib berilishi kerak. Shuning uchun ham yuqoridagi uskuna bizga kerak bo`ladi. U shlangni to`g`irlab, tekislab yetkazib beradi.

Yettinchi bosqichda shlanglarni o`rab olamiz

Shlanglarni o`rash uchun biz ikkita aylanali o`rovchi uskunadan foydalanamiz. Va shu bilan barcha jarayonlar o`z nihoyasiga yetdi. Tomchilab sug`orishga mo`ljallangan shlanglarimiz sotuvga tayyor.

Quyida biz sizlarga ixtiyoriy uskunalarni ham taqdim etishga qaror qildik. Bu uskunalarsiz ham talab qilingan mahsulotni ishlab chiqara olasiz. Ushbu uskunalar orqali mahsulotingiz sifatini va ko`rinishini oshirishingiz mumkin. Keling, birma-bir tanishib chiqsak.

Gidravlik filtr uskunasi

Uskuna vazifasi quyidagicha: ba`zibir paytlarda qayta ishlangan xom-ashyodan foydalanish mumkin. Bu uskuna mana shu paytda as qotadi. Eski xom-ashyolarni tozalab beradi. Agar har doim yangi materiallardan foydalaniladigan bo`linsa, ushbu uskuna kerak bo`lmaydi.

Rangli chiziq chizuvchi uskuna

Uskuna 1ta, 2ta yoki 4ta rangli chiziqlar chiziq chizish qobiliyatiga ega.

Lazer printer

Uskuna shlanglar ustiga istalgan harf va so`zlar yozib berishi mumkin

Kamerali boshqaruv tizimi

Uskunaning vazifasi xatolik ro`y berganda, xabar berib turadi. Bu orqali ortiqcha
foydalanib bo`lmaydigan shlanglarni ishlab chiqarishning oldini oladi.

Chiller

Uskuna suv temperaturasini o`zgartirish uchun kerak bo`ladi. Chunki odatiy
temperaturadagi suv talab qilingan sifatdagi shlanglarni ishlab chiqarish uchun yetarli
bo`lmasligi mumkin. Uskuna, ayniqsa, yoz kunlarida kerak bo`ladi.

Mikser

Xom-ashyoni va ranglarni aralashtirish uchun kerak bo`ladi.

Havo kompressori

Uskunalar ishlab chiqarish sifatini va hajmini oshirishga yordam beradi. Uskunalar sifatli
ishlashi uchun ham yuqori bosimli havo kerak bo`ladi. Uskunaning vazifasi shundan
iborat.

Liniyani ishlash jarayonidan video lavha

 

Shu bilan sizga taqdim etmoqchi bo`lgan ma`lumotlarimiz o`z nihoyasiga yetdi. Ana endi,
uskuna narxlari bilan tanishib chiqsak ham bo`ladi.

 

0.0 umumiy reyting
0
0
0
0
0

Birinchi bo'lib izoh qoldiring “Tomchilab sug`orish shlanglarini ishlab chiqarish liniyasi”

Hozircha izohlar yoq. Siz birinchi bo'lib izoh qoldiring!

chek qog’ozlar salfetka ishlab chiqarish