Жеңіл және жүк автомобильдері қозғалтқыш блоктарын қалпына келтіру жабдығы AF-B005

Жоғарыда келтірілген шағын статистикадан да көрініп тұрғандай, бүгінде көшелеріміз автомобильдерге толып барады. Осыған орай оларға техникалық қызмет көрсету нүктелерінің саны да күн сайын көбейіп келеді және оған сұраныс та айтарлықтай жоғары. Қаласақ та, қаламасақ та уақыт өте келе автомобильдеріміздің жүрегі саналатын қозғалтқышта техникалық ақаулар байқалады. Әрине, бұл бөлік ең қымбат бөлшектердің бірі болғандықтан, оны жаңасына ауыстыруға бәрінің бірдей жағдайы көтермейді. Біздің AFEX-GROUP компаниямыз Сізге табысты қызмет көрсету сервисін ұйымдастыруда өз білімі мен тәжірибесін аямайды. Ендеше, қазір Сіздерді жеңіл және шағын көлемді жүк автомобильдерінің қозғалтқыш блогын жөндеуге қажетті жабдықтармен таныстырып өтейік. Қазіргі таңда бұл кең таралмаған және көпшіліктің көзқарасында қиын әрі қымбат жабдықтардан жинақталған сервис деген бұлыңғыр түсініктер бар. Оның себебі – қызмет көрсетудің жабық түрде жүргізілуі және тапсырыс берушіден жұмыстың қалай орындалғанын мүмкіндігінше құпия ұстау. Әрине, мұндай тәсілді коммерциялық құпия деп атауға да болады. Қазір біз Сіздерге сол құпияны ашамыз.

Ең алдымен автомобиль қозғалтқышы жөндеуді қажет ететін жағдайға келгенде, оған себеп болған фактор анықталады. Себептер әртүрлі болуы мүмкін: автомобиль үшін жарамды қашықтықты жүріп өтуі, сапасыз майды пайдалану, техникалық байқаудан уақытында өтпеу, сапасыз отын және т.б. Блокқа көз салғанда, ондағы цилиндрлерді байқаймыз, ал цилиндрлер поршеньдердің біркелкі қозғалысын қамтамасыз етеді. Уақыт өте келе блок цилиндрімізде күйе мен қатты бөлшектер пайда болады, нәтижесінде поршеньдердің қозғалысы баяулайды. Өздігінен май шығыны артады, қажетті жылдамдыққа шыға алмайсыз, машинадағы шу күшейеді және отын шығыны да арта түседі. Кейбір жағдайларда автомобиль жүрмей қалу деңгейіне дейін жетуі мүмкін. Мұндай жағдайда Сіз жақсы қызмет көрсету орталығына жүгінуге мәжбүр боласыз. Ендеше, қызмет көрсету процесінде қолданылатын жабдықтармен бір-бірлеп таныстырып өтейін.

Ең алдымен қосалқы бөлшектер немесе қозғалтқыш блогы өңдеуден бұрын мұқият тазартылуы керек. Көпшілік бұл процесс қолмен орындалады деп есептейді, бұл қате пікір. Заманауи ультрадыбыстық сигналдар көмегімен тазарту өте ыңғайлы және жұмыстың сапалы орындалуын қамтамасыз етеді. Біз Сіздерге ұсынатын тазарту жабдығы ең заманауи болып табылады, жууда пайдаланылатын сұйықтық пен суды үнемдеу мақсатында тазарту сүзгілері орнатылған. Сүзгілер өніміңіздің көңілдегідей тазартылуын және жуу құралдарының үнемделуін қамтамасыз етеді. Жабдықта заманауи PLC басқару панелі бар, онда жуу уақытын, жиілікті, температураны және жылдамдықты бақылауға болады.

Блок мұқият тазартылғаннан кейін оның цилиндрінің ішкі бөлігін алғашқы жонуға осы жабдыққа қойылады. Жабдыққа цилиндр диаметріне сәйкес жонғыш бөлік орнатылады. Диаметр нақты болғанда жону тереңдігі бейімделеді. Жабдықтың техникалық көрсеткіштерінде Сіз ең кіші және ең үлкен тереңдіктер мен диаметрлер туралы мәліметтерді оқи аласыз. Жабдық сондай-ақ соңғы кезеңге де қатысады, яғни блок бетін арнайы диск көмегімен ажарлау үшін қызмет етеді. Жабдық инверторлы қозғалтқыш арқылы қозғалатындықтан, қозғалтқыш металының түрі мен өңдеу қалыңдығын ескере отырып, жылдамдықты өзгертуге болады. Жабдықты пайдалану өте ыңғайлы, себебі қозғалтқыш блогын орналастырғаннан кейін оны тік жонғыш бөлікке астыңғы үстелді жылжыту арқылы туралай аласыз.

ТІК ХОНИНГ ЖАБДЫҒЫ

Блок цилиндрлерін алғашқы жону жұмысы аяқталғаннан кейін, екінші кезеңде оған әрі жүзді, әрі ажарлағыш тасты жону жабдығында өңдеу жүргізіледі. Бұл кезеңде ішкі беткі қабаттың тегістік деңгейі аса дәл күйге келтіріледі. Мұндай процесте жұмыс оңай болуы үшін ол арнайы май көмегімен жүзеге асырылады. Майдың міндеті – өңделетін бөлікті өңдеуді жеңілдету және салқындатып отыру. Ішкі бөлікке хонинг жабдығымен өңдеу процесі аяқталғаннан кейін блок тік блок жону жабдығына орналастырылып, блоктың жоғарғы беті арнайы дискіде мұқият жылтыратылады.

Жабдық негізінен автомобиль, мотоцикл, жүк көлігі және тракторлардың қозғалтқыштары мен V-тәрізді қозғалтқыштарды хонингтеу үшін қолданылады.

1. Машина үстелінің құрылғысын 0°, 30° және 45° бұрышқа жылжытуға болады.

2. Машина үстелі қолмен 0-180 мм қашықтыққа дейін оңай көтеріледі және түседі

3. Дәлдік деңгейі 0,04 мм

4. Жоғары және төмен қозғалу жылдамдығы 0-30 м/мин.

Осы бизнесті жолға қою арқылы Сіз өз табысыңыздың артуына қол жеткізесіз деп ойлаймыз. Халықтың тұрмыс деңгейі өскен сайын автомобильдер саны күрт артады. Өздігінен оларға қызмет көрсету саласы да кеңейеді. Бұл бизнесті бастаудың дәл уақыты қазір, себебі әзірге біздің нарығымыз мұндай сервистерге қанықпаған және бұл Сіз үшін жақсы мүмкіндік болуы мүмкін.